Kingwatsiak, Iyola

(1933–2000)

ᐃᔪᓚ ᑭᖑᐊᑦᓯᐊᖅ ᐃᓅᓂᑯ ᑭᓐᖓᓂ ᕿᑭᖅᑖᓗᖕᒥ. ᑕᑯᓪᓗᒋᑦ ᓴᓇᔭᖏᑦ ᐅᒃᑯᓯᒃᓴᓕᖕᓂ ᓴᓇᖑᐊᖅᐸᒃᑐᖅ, ᑎᑎᕋᐅᔭᖅᐸᒃᑐᖅ ᐊᒻᒪᓗ ᑎᑎᖅᑐᒐᖅᑕᐅᕙᓯᒪᔪᑦ. ᑭᖑᐊᑦᓯᐊᖅ ᓴᓇᖑᐊᖃᑦᑕᓕᓚᐅᖅᓯᒪᔪᖅ ᐊᔪᕈᒦᖅᓴᖅᐸᒃᖢᒥ ᑭᓐᖓᓂ ᐊᒻᒪᓗ ᓄᓇᖃᖅᖢᓂ ᑕᐃᑲᓂ ᐃᓄᔪᓃᓚᐅᖅᓯᒪᔪᖅ. ᑭᖑᐊᑦᓯᐊᖅ ᐱᒋᐊᖅᓯᒪᔪᖅ ᓴᓇᖃᑦᑕᖅᖢᓂ ᓴᓇᖑᐊᖅᑎᐅᓪᓗᓂ ᐊᒻᒪᓗ ᑭᖑᓂᐊᒍᑦ ᖃᐅᔨᒪᔭᐅᑦᑎᐊᓕᓚᐅᖅᑐᖅ ᑎᑎᖅᑐᒐᖅᑕᖏᓐᓄᑦ ᑭᓐᖓᓂ ᐊᕙᑖᓂ 1959 ᐊᒻᒪᓗ 1977, ᐊᒻᒪᓗ ᓱᓕ 1984-ᒥᑦ 1988-ᒧᑦ. ᑭᖑᐊᑦᓯᐊᖅ ᐃᓚᒋᔭᐅᔪᖅ ᓯᕗᓪᓕᖅᐹᖅ ᐃᓄᖕᓂᑦ ᓴᓇᖑᐊᖅᑎᐅᖃᑕᐅᔪᖅ, ᐱᖃᑎᒋᓪᓗᒍ ᓗᒃᑕ ᕿᐊᑦᓱᒃ, ᐃᔨᕙᓪᓗᖅ ᐳᑐᒍᖅ ᐊᒻᒪᓗ ᑲᓇᖏᓇᖅ ᐳᑐᒍᖅ, ᐱᓕᕆᖃᑦᑕᓚᐅᖅᓯᒪᔪᑦ ᑎᑎᖅᑐᒐᕈᓯᑐᖃᕐᓂᒃ ᓴᓇᖑᐊᖅᑎᖏᓪᓗᓂ ᐊᒻᒪᓗ ᑲᓇᑕᐅᑉ ᒐᕙᒪᒃᑯᓂᑦ, ᔭᐃᒻᔅ ᕼᐃᐅᔅᑕᓐ ᑭᓐᖓᓂ ᑕᐃᑲᓂ 1950-ᓂ. ᐃᓚᒋᔭᐅᓚᐅᖅᑐᖅ ᑖᒃᑯᓇᓂ ᑎᓴᒪᑦ ᐃᓄᐃᑦ ᓴᓇᖑᐊᖅᑎᑦ ᑲᓇᖏᓇᖅ ᐳᑐᒍᖅ, ᔪᐊᓇᓯ ᓴᓚᒧᓂ, ᓗᒃᑕ ᕿᐊᑦᓱᒃ ᐊᒻᒪᓗ ᑭᐊᒃᓱᒃ, ᐅᑯᐊ ᑲᑐᔾᔨᓪᓗᑎᒃ ᐊᑎᓕᐅᖅᓯᒪᔪᑦ ᒍᐃᔅ ᐸᕙᓐ ᐃᔅᑭᒧ ᑯᐊᑉ ᓯᕗᓪᓕᖅᐹᑦ ᑯᐊᐸᖑᕈᓯᖏᑦ ᑎᑎᖃᑦ ᐊᒻᒪᓗ ᐃᑲᔪᖅᖢᒋᑦ ᓴᕿᑕᐅᓂᖓᓄᑦ ᓄᑖᖅ ᐊᐅᓚᑦᓯᔨ ᓴᕿᑦᑎᓯᒪᓂᐊᖅᑐᖅ ᐃᓄᐃᑦ ᓴᓇᖑᐊᒐᖏᓐᓂᒃ. ᑭᖑᐊᑦᓯᐊᖅ ᓴᓇᔭᖏᑦ ᓴᕿᔮᖅᑎᑕᐅᓯᒪᔪᑦ ᑭᓐᖓᓂ ᑎᑎᖅᑐᒐᖅᓯᒪᔪᑦ ᓄᐊᑕᐅᓯᒪᔪᑦ ᐊᕙᑖᓂᑦ 1959 ᐊᒻᒪᓗ 1993. ᓴᓇᓯᒪᔪᖅ 155 ᑎᑎᖅᑐᒐᖅᖢᓂ ᐊᑐᖅᓯᓪᓗᓂ ᑎᑎᖅᑐᒐᕈᓯᕐᓂᒃ, ᐃᓚᒋᔭᐅᓪᓗᑎᒃ ᐃᓗᑦᑐᖅᑎᑎᓂᖅ, ᑎᑎᕋᕐᖢᒍ, ᐳᑑᕋᐃᓂᖅ ᐊᒻᒪᓗ ᐅᒃᑯᓯᒃᓴᓕᒃ ᓴᓇᕕᒋᓪᓗᒍ. ᐅᖃᓚᐅᖅᓯᒪᔪᖅ ᓴᓇᖃᑦᑕᕐᓂᕋᖅᖢᓂ ᐃᓄᖑᐊᓂᒃ ᐃᓗᐊᓂ ᐅᑭᐅᖅᑕᖅᑐᖅ ᓯᓚᖏᓐᓂ ᐊᒻᒪᓗ ᐅᑭᐅᖅᑕᖅᑐᒥ ᓂᕐᔪᑎᑦ, ᓲᕐᓗ ᑎᖕᒥᐊᑦ, ᐊᕐᕖᑦ, ᐊᐃᕖᑦ ᐊᒻᒪᓗ ᓇᓄᐃᑦ. ᖃᐅᔨᒪᔭᐅᔪᖅ ᓴᓇᑐᔫᓂᖓ ᖃᐅᔨᓴᖃᑦᑕᖅᖢᒋᑦ ᓱᓇᑐᐃᓐᓇᑦ ᓴᓇᔪᒥᓇᖅᑐᑦ. ᑭᖑᐊᑦᓯᐊᖅ ᐃᓚᒋᔭᐅᓯᒪᕗᖅ ᓯᕗᓪᓕᕐᓂ ᖃᐅᔨᓴᖅᑐᑦ ᓴᓇᓪᓗᒍ ᓴᑦᑐᔮᖑᖅᓯᒪᔪᖅ ᖃᔪᓐᓇᖅ ᑭᓐᖓᓂ 1962-ᒥ, ᐊᒻᒪᓗ ᐃᓚᐅᖃᑦᑕᖅᓯᒪᔪᖅ ᐃᓕᓐᓂᐊᖅᖢᑎᒃ ᑲᑎᒪᔪᓂ ᐃᓕᑦᑎᓇᓱᒃᖢᑎᒃ ᓴᓇᖑᐊᕈᑎᓂᒃ ᓴᓇᕐᕈᑎᓂᒃ ᑎᓯᔪᓄᑦ ᐅᒃᑯᓯᒃᓴᓕᖕᓄᑦ. ᑭᖑᐊᑦᓯᐊᖅ ᓴᓇᔭᖏᑦ ᐊᒥᓱᓂ ᑭᒃᑯᑐᐃᓐᓇᐃᑦ ᓄᐊᑕᖏᑦ ᑕᒪᐃᓐᓂ ᓄᐊᑦ ᐊᒥᐊᓕᒐ, ᓲᕐᓗ ᑕᑯᔭᒐᖃᕐᕕᒃ ᒫᓐᓇ ᓴᓇᖑᐊᖅᓯᒪᔪᓂ, ᓅ ᔮᒃ, ᑲᓇᑕ ᑕᑯᔭᒐᖃᕐᕕᖓᓂ, ᐋᑐᕚᒥ, ᐋᓐᑎᐅᕆᐅ ᐊᒻᒪᓗ ᕕᓂᐲᒃ ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᒃ. ᐅᑯᐊ ᓴᓇᔭᖏᑦ ᓴᕿᔮᖅᑎᑕᐅᖃᑦᑕᖅᓯᒪᔪᑦ ᑕᑯᒐᖃᕐᕕᖕᓂ ᑕᒪᐃᓐᓂ ᑲᓇᑕᒥ ᐊᒻᒪᓗ ᓯᓚᕐᔪᐊᒥ. ᐅᓇᑦᑕᐅᖅ ᐱᓇᓱᐊᖏᓐᓇᓚᐅᖅᑐᖅ ᓄᓇᒥᖕᓂ, ᑕᐃᒪᓗ ᐊᖓᔪᖅᑳᖑᓪᓗᓂ ᒍᐃᔅ ᐸᕙᓐ ᐃᔅᑭᒨ ᑯᐊᑉ ᑕᐃᑲᖓᑦ 1971 ᑎᑭᓪᖢᒍ 1973, ᐊᒻᒪᓗ ᑲᑎᒪᔨᐅᖃᑦᑕᖅᓯᒪᔪᖅ ᐊᒥᓱᓂ ᓄᓇᓕᖕᓂ ᑲᑎᒪᔨᓂ ᐊᒻᒪᓗ ᑲᑎᒪᔨᕋᓛᓂ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

Kingwatsiak, Iyola

ᑕᕆᐅᒥ ᐊᓂᕐᓂᖅ

1960

ᐅᔭᕋᒃ

10.8 x 12.7 x 28.8 cm

Collection of the Winnipeg Art Gallery, The Ian Lindsay Collection, Acquired with funds from the Volunteer Committee to the Winnipeg Art Gallery

G-85-300