Etidlooie, Kingmeata
Kinngait (Cape Dorset)
(1915–1989)
Etidlooie, Kingmeata
(1915–1989)
ᑭᖕᒥᐊᑕ ᐃᑎᓪᓗᐃ (1915-1989) ᑎᑎᕋᐅᔭᖅᑎ ᐊᒻᒪᓗ ᓴᓇᖑᐊᖅᑎ ᑭᒻᒥᕈᒻᒥᑦ, ᓄᓇᕗᑦ. ᑕᐃᑲᓂ ᐱᒋᐊᕈᑎᒋᓚᐅᖅᑕᖓ ᑎᑎᕋᐅᔭᖃᑦᑕᖅᖢᓂ ᐊᒻᒪᓗ ᓴᓇᖑᐊᖃᑦᑕᓕᖅᖢᓂ ᑐᖁᖕᒪᑦ ᓯᕗᓪᓕᖅ ᐅᐃᖓ, ᐃᑎᓪᓗᐃ ᓴᓇᖃᑦᑕᒃᑲᓐᓂᓕᓚᐅᖅᑐᖅ ᐊᔪᒋᑕᒥᓂᒃ ᓄᓇᖃᓕᖅᖢᓂ ᑭᓐᖓᐃᑦ, ᓄᓇᕗᑦ, ᑕᐃᑲᓂ ᕿᑎᐊᓂ 1960-ᓂ. ᑖᒃᑯᐊᓗ ᐱᖃᑖ ᐅᐃᖓ, ᐃᑎᓪᓗᐃ ᐃᑎᓪᓗᐃ (1910-1981), ᐃᓚᒋᔭᐅᓚᐅᖅᑐᖅ ᒍᐃᔅ ᐸᕙᓐ ᐃᔅᑭᒨ ᑯᐊᑉ ᐊᒻᒪᓗ ᓴᓇᖃᑦᑕᖅᖢᓂ ᐊᒥᓱᓂᒃ ᐊᔾᔨᐅᓐᖏᑦᑐᓂᒃ, ᑎᑎᕋᐅᔭᖃᑦᑕᖅᖢᓂ – ᑎᑎᖅᑐᒐᖅᑕᖏᑦ ᑎᑎᕋᐅᔭᖅᖢᒋᓪᓗ ᐊᒻᒪᓗ ᐊᒥᐊᕆᕙᒃᖢᓂ. ᐃᑎᓪᓗᐃ ᓴᓇᓲᖅ ᐊᔾᔨᒌᓐᖏᑦᑐᓂᒃ, ᐃᓚᒋᔭᐅᓪᓗᑎᒃ ᐃᒪᖃᖅᑐᑦ ᑕᖅᓯᖅᓲᑎᑦ, ᐅᖅᓱᓕᒃ ᐊᒥᐊᕈᑎ ᐊᒻᒪᓗ ᑕᖅᓴᓕᑦ ᑎᑎᕋᐅᑎᓪᓚᑖᑦ ᓴᓇᓪᓗᓂ ᑕᑯᔭᐅᓂᐊᖅᑐᑦ ᐃᔾᔪᓪᓗᑎᒃ ᐊᒃᑐᖅᖢᒍ. ᓴᓇᖃᑎᒋᕙᓚᐅᖅᑕᖏᑦ ᑎᑎᖅᑐᒐᖅᑎᑦ, ᐳᓪᓗ ᐳᓪᓚᑦ (1916-1992), ᐃᓚᒋᔭᐅᓚᐅᖅᑐᖅ ᓯᕗᓪᓕᖅᐹᖅ ᐊᑐᖅᖢᓂ ᑯᐊᐸᒃᑯᑦ ᑎᑎᖅᑐᒐᕐᕕᖓᓂᒃ ᐅᓇᓗ ᓴᕿᑕᐅᓚᐅᖅᓯᒪᔪᖅ 1976-ᒥ. ᐋᕿᒃᓱᖅᓯᒪᔭᖏᑦ ᓴᖕᖏᔪᖅ ᓇᓗᓇᖏᑦᑐᖅ ᐋᕿᑦᑎᐊᖅᓯᒪᓪᓗᒋᒃ ᐊᒻᒪᓗ ᓴᓇᑦᑎᐊᖅᓯᒪᓪᓗᑎᒃ ᓇᐸᑦᑎᐊᖅᖢᑎᒃ, ᓴᓇᔭᖏᑦ ᐊᐅᓪᓗᑎᓲᖏᑦ ᑭᓱᖑᐊᓂᒃ, ᓇᓗᓇᐃᔭᖅᓯᒪᒋᐊᑐᓇᑎᒃ ᑕᑯᓪᓗᒋᑦ, ᐃᓛᓐᓂᒃᑯᑦ ᐱᐅᒋᔭᒥᓂᒃ ᐋᕿᖃᑦᑕᖅᑕᖏᑦ ᐊᖏᓪᓗᑎᒃ ᐊᒻᒪᓗ ᑕᖅᓴᖃᐅᑦᑎᐊᖅᖢᑎᒃ. ᐆᒃᑑᑎᒋᓪᓗᒍ ᑕᐃᒪᓐᓇ ᓴᓇᖃᑦᑕᕐᓕᖓ, ᐃᑎᓪᓗᐃᑦ ᓴᓇᔭᖓ, Untitled (ᐊᑎᖃᓐᖏᑦᑐᖅ) (1980-1981), ᐳᐳᓪ ᑕᖅᓴᖓ ᑐᓄᐊᓂ ᓴᓇᖑᐊᖅᓯᒪᔭᖏᑕ ᐋᕿᑦᑎᐊᖅᓯᒪᓪᓗᒋᑦ ᕿᓂᕐᓂᖓ ᐊᒻᒪᓗ ᓄᓇᖑᐊᖅ ᓯᓚᖑᐊᖓ. ᐃᑎᓪᓗᐃ ᓴᓇᔭᖏᑦ ᓇᒧᑐᐃᓐᓇᖅ ᐊᐅᓪᓚᖅᑎᑕᐅᖃᑦᑕᖅᓯᒪᔪᑦ ᓄᐊᑦ ᐊᒥᐊᓕᒐᒥ, ᐊᒻᒪᓗ ᓴᕿᔮᖃᑦᑕᖅᓯᒪᔪᑦ ᐊᒥᓱᐃᖅᖢᑎᒃ ᑕᑯᔭᒐᖃᕐᕕᖕᓂ ᐊᐃᓴ ᐊᒻᒪᓗ ᔫᓚᑉ. ᑎᑎᖅᑐᒐᖅᑕᖏᑦ, ᑎᑎᕋᐅᔭᖅᑕᖏᑦ ᐊᒻᒪᓗ ᐊᒥᐊᖅᑕᖏᑦ ᐃᓂᖃᖅᑐᑦ ᐊᒥᓱᓂ ᑲᓇᑕᒥ ᓄᐊᑕᐅᔪᓂ, ᐃᓚᒋᔭᐅᓪᓗᑎᒃ ᑲᓇᑕ ᑕᑯᔭᒐᖃᕐᕕᒃ ᐃᑦᑕᕐᓂᑕᓂᒃ ᑳᑦᑎᓄ, ᑯᐸᐃᒃ, ᐊᒻᒪᓗ ᕕᓂᐲᒃ ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᒃ ᕕᓂᐲᒃ, ᒫᓂᑑᐸ, ᐊᒻᒪᓗ ᑲᓇᑕ ᑲᑎᒪᔨᖏᑦ ᓴᓇᖑᐊᖅᓯᒪᔪᓄᑦ ᑮᓇᐅᔭᒃᑯᕕᖓ ᐋᑐᕚ, ᐋᓐᑎᐅᕆᐅ, ᐊᓯᖏᓪᓗ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.