ᑲᑭᓃᑦ ᐃᓚᒋᔭᐅᒻᒪᑕ ᐃᓄᐃᑦ ᐃᓕᖅᑯᓯᖏᓐᓄᑦ ᐊᑐᖅᑕᐅᒍᓐᓃᓚᐅᕐᒪᑕ ᑭᖑᓂᖓᒍᑦ ᑎᑭᓚᐅᖅᑎᓪᓗᒋᑦ ᐊᔪᕆᒃᓱᐃᔨᒃᑯᑦ. ᑲᑭᓃᑦ ᐊᕐᓇᓄᑦ ᐱᖅᑯᓯᕆᔭᐅᓚᐅᕐᒪᑕ ᓇᓗᓇᐃᕈᑕᐅᓪᓗᑎᒃ ᐊᕐᓇᐅᓂᖏᓐᓄᑦ. ᐊᕐᓇᐅᑉ ᓯᕗᓪᓕᖅᐹᑦ ᑲᑭᓂᖏᑦ ᓴᖅᑭᔮᓱᖑᓚᐅᖅᐳᑦ ᑮᓇᖏᓐᓂ, ᐱᒋᐊᕐᕕᐅᒐᔪᓐᓂᖅᐹᖑᓚᐅᖅᑐᖅ ᑲᑭᓂᖃᕆᐊᓕᕐᓂᖓ ᖃᐅᖓᓂ, ᐅᓗᐊᖏᓐᓂ ᐊᒻᒪᓗ ᑕᓪᓗᖓᓂ. ᐊᔪᕆᖅᓴᐃᔨᑦ ᐅᒃᐱᕈᓱᓚᐅᕐᒪᑕ ᑲᑭᓃᑦ ᑕᑯᒃᓴᐅᒍᑕᐅᓱᕆᔭᐅᓪᓗᑎᒃ ᐱᐅᖏᑦᑐᒧᑦ ᐊᒻᒪᓗ ᓄᖃᒃᑎᑕᐅᓪᓗᑎᒃ ᐊᕐᓇᐃᑦ ᑲᑭᓂᖅᑖᖅᑎᑕᐅᖃᑦᑕᕐᓂᖏᓐᓄᑦ. ᐃᒫᖑᕙᓚᐅᕋᓗᐋᖅᑎᓪᓗᒋᑦ ᓇᓗᓇᐃᑯᑕᐅᓪᓗᑎᒃ ᐃᓄᐃᑦ ᐅᐱᒍᓱᓐᓂᖏᓐᓄᑦ ᓇᓗᓇᐃᑯᑕᐅᓪᓗᑎᒃ ᐊᑐᖅᑕᐅᑦᑕᐃᓕᓕᖅᑎᑕᐅᓚᐅᕐᒪᑕ ᐊᖓᒃᑰᔭᕐᓂᐅᓱᔭᕆᔭᐅᓪᓗᑎᒃ ᐅᒃᐱᕋᓱᐋᖅᑎᑦ ᓄᓇᓕᖓᓐᓂ. ᐊᕐᓇᐃᑦ ᑲᔪᖏᖅᓴᖅᑕᐅᓚᐅᕐᒪᑕ ᑲᖑᓲᑎᖃᖁᔭᐅᓪᓗᑎᒃ ᑲᑭᓂᖏᓐᓂᒃ. ᐱᒋᐋᓕᕋᑖᕐᓂᖓᓂ 21-ᖏᑕ ᕼᓐᓇᓚᐅᔪᖅᑐᖅᑐᐃᑦ ᐱᒋᐊᓕᓚᐅᕐᒪᑕ ᑕᓱᐃᕙᓪᓕᐊᓕᕐᓗᑎᒃ ᐱᖅᑯᓯᕐᒥᓐᓂᒃ ᐃᓄᐃᑦ ᑲᑭᓂᖃᓲᖑᓂᕐᒥᓐᓂᒃ. ᕼᓐᓇᓚᖏᓐᓃᓗᐊᓕᕐᒪᑕ ᐊᕐᓇᐃᑦ ᑕᐃᒪᖓᓂ ᑲᑭᓂᖅᑖᖃᑦᑕᓕᖅᑐᑦ ᐊᒻᒪᓗ ᑕᓱᐃᓕᕐᓗᑎᒃ ᐱᖅᑯᓯᕐᒥᒍᑦ ᐊᑐᖅᑕᐅᓲᓂᒃ ᐃᓄᐃᑦ ᐅᐱᒍᓱᓐᓂᕆᔭᖏᓐᓄᑦ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.