Saila, Pauta
Kinngait (Cape Dorset)
(1916–2009)
Saila, Pauta
(1916–2009)
ᐸᐅᑕ ᓴᐃᓚ ᑭᓱᑐᐃᓐᓇᓂᒃ ᓴᓇᖃᑦᑕᖅᑐᖅ ᓴᓇᖑᐊᖅᑎ ᑭᓚᐸᕈᑐᐊ ᓄᓇᓖᑦ ᕿᑭᖅᑖᓗᖕᒥ, ᓄᓇᕗᑦ ᐅᓇᓗ ᑭᓐᖓᐃᑦ, ᓄᓇᕗᑦ ᓴᓇᖑᐊᕐᕕᒋᕙᒃᖢᒍ ᓄᓇᒋᓕᓚᐅᖅᑕᖓ. ᐃᓕᑦᑎᓪᓗᓂ ᓄᓇᒥ ᓄᓇᖃᕆᐊᒃᓴᖅ, ᖃᓄᕐᓗ ᐊᖑᓇᓱᒋᐊᒃᓴᖅ ᐊᒻᒪᓗ ᓴᓇᖑᐊᕆᐊᒃᓴᖅ ᐊᑖᑕᒥᓂᒃ ᓴᐃᓚ ᐊᑐᖅᓯᓪᓗᓂ ᑲᑎᖓᓂᕐᒥᓂᒃ ᓄᓇᑐᐃᓐᓇᒧᑦ ᓴᕿᑎᖃᑦᑕᖅᖢᒋᑦ ᐅᑭᐅᖅᑕᖅᑐᖅ ᓂᕐᔪᑎᖏᑦ ᐃᒻᒥᒍᑦ ᐊᒻᒪᓗ ᐊᔾᔨᐅᓐᖏᑑᓪᓗᑎᒃ. ᓴᐃᓚ ᓅᓚᐅᖅᑐᖅ ᑭᓐᖓᓄᑦ 1960-ᓂ ᐊᒻᒪᓗ ᐱᓕᕆᖃᑕᐅᓕᖅᖢᓂ ᑯᐊᐸᒃᑯᓂ ᑕᐃᑲᓃᓕᓵᖅᖢᓂ. ᓴᐃᓚᐅᑉ ᓴᓇᔭᖏᑦ ᓴᕿᔮᖅᑎᑕᐅᓯᒪᔪᑦ ᑭᓐᖓᐃᑦ ᐊᕐᕌᒍᑕᒫᑦ ᑎᑎᖅᑐᒐᖅᓯᒪᔪᓂᒃ ᓄᐊᓯᒪᔭᖏᑦ ᑕᐃᑲᖓᑦ 1961-ᒥᑦ 1982-ᒧᑦ. ᓴᐃᓚ ᑎᑎᖅᑐᒐᖅᑕᖏᑦ ᓴᓇᔭᖏᑦ ᐃᑲᔫᑎᖃᑦᑕᓚᐅᖅᑐᑦ ᓄᑖᓄᑦ ᓴᓇᖑᐊᕈᓯᕐᓄᑦ ᓲᕐᓗ ᐊᑐᖅᖢᓂ ᐅᓚᒪᐅᑎᒥᒃ ᓴᓇᖑᐊᕈᑎᒋᓪᓗᒍ ᐊᑎᖅᓯᑎᓪᖢᒋᑦ ᓵᑐᔮᑦ. ᓴᓇᔾᔪᓯᖓ ᒥᑭᔪᑦ ᑭᓯᐊᓂ ᑕᒪᒃᑭᖅᓯᒪᑦᑎᐊᖅᑐᑦ ᐱᓐᖑᐊᖅᑐᑦ ᓄᖃᖓᑐᐃᓐᓇᓐᖏᑦᑐᑦ. ᓱᓕᒃᑲᓐᓂᖅ ᑎᑎᖅᑐᒐᖅᑕᖏᑦ ᓴᓇᔭᖏ ᓴᐃᓚ ᖃᐅᔨᒪᔭᐅᔾᔪᑎᒋᓚᐅᖅᑕᖏᑦ ᒧᒥᖑᐊᖅᑐᑦ ᓇᓄᖅ. ᓴᓇᖃᑦᑕᓚᐅᖅᑐᖅ ᐅᒃᑯᓯᒃᓴᓕᖕᓂ, ᓴᓇᖑᐊᖅᖢᓂ ᓇᓄᖑᐊᓂᒃ ᓂᐅᒥᒍᑦ ᐊᑕᐅᓯᕐᒧᑦ ᓇᖏᖅᑐᖅ, ᑕᓕᖏᑦ ᐃᓵᖓᓪᓗᑎᒃ. ᐱᔪᓐᓇᓚᐅᖅᑐᖅ ᑎᒥᖏᑦ ᖃᓄᐃᓕᖓᖑᐊᖅᑐᑦ ᓇᓄᖑᐊᖅ ᓅᑐᓐᓇᖂᔨᓪᓗᑎᒃ ᐊᑐᓂ ᓴᓇᖑᐊᖅᑕᖏᑦ. ᒧᒥᖑᐊᖅᑐᖅ ᓇᓄᖑᐊᖅ ᐱᔪᒪᔭᐅᓂᖅᐹᖑᓚᐅᖅᑐᖅ ᖃᓪᓗᓈᑦ ᓄᓇᖓᓂ ᓄᐊᑦᑎᔪᓂᒃ ᐊᒻᒪᓗ ᑭᖑᓂᐊᒍᑦ ᑕᑯᕚᖅᑖᕆᔭᐅᖃᑦᑕᖅᖢᓂ ᐳᓚᕋᑎᓂᑦ. ᑕᐃᒪᓗ ᒧᒥᖑᐊᖅᑐᑦ ᓇᓄᐃᑦ ᐊᒥᓱᓂᒃ ᓴᓇᖑᐊᖅᑎᓂᑦ ᓴᓇᖑᐊᖅᑕᐅᖃᑦᑕᓕᓚᐅᖅᑐᖅ ᓇᓄᖑᐊᑦ ᑕᐃᒫᒃᑕᐅᖅ ᓂᕐᔪᑦ ᐋᕿᒃᓯᒪᓪᓗᓂ ᑎᑭᐅᑎᓯᒪᓇᓱᐊᖅᖢᑎᒃ ᐱᔪᒪᔪᑦ ᓄᐊᑦᑎᔪᑦ ᐱᔾᔪᑎᒋᓪᓗᒋᑦ. ᓴᐃᓚ ᓴᓇᔭᖏᑦ ᓴᕿᔮᖅᑎᑕᐅᖃᑦᑕᖅᓯᒪᔪᑦ ᑲᓇᑕᒥ ᐊᒻᒪᓗ ᓯᓚᕐᔪᐊᒥ ᐃᓚᒋᔭᐅᓪᓗᑎᒃ ᓴᕿᔮᖅᑎᑕᐅᔪᑦ ᔪᓇᐃᑎᑦ ᓯᑕᐃᑦᔅ, ᕗᓛᓐᔅ, ᓱᕕᑕᓐ, ᐱᐅᔭᒻ ᐊᒻᒪᓗ ᔮᒪᓂ. ᓴᓇᔭᖏᑦ ᐱᔭᐅᓯᒪᔪᑦ ᐊᒥᓱᓂᒃ ᑭᒃᑯᑐᐃᓐᓇᐃᑦ ᓄᐊᑕᐅᓯᒪᔪᑦ ᑲᓇᑕ ᑕᑯᔭᒐᖃᕐᕕᖓ, ᐋᑐᕚᒥ, ᐋᓐᑎᐅᕆᐅ, ᑕᑯᔭᒐᖃᕐᕕᒃ ᒫᓐᓇ ᓴᓇᖑᐊᖅᓯᒪᔪᓂ, ᓅ ᔮᒃ ᓯᑎ, ᔪᓇᐃᑎᑦ ᓯᑕᐃᑦᔅ ᐊᒻᒪᓗ ᕕᓂᐲᒃ ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᒃ. ᓴᐃᓚ ᓂᕈᖅᑕᐅᓚᐅᖅᑐᖅ ᑖᒃᑯᓄᖓ ᐅᓗᔪ ᑲᓇᑕᒥ ᐃᓕᓐᓂᐊᕐᕕᖏᓐᓂᑦ ᓴᓇᖑᐊᖅᑐᓕᕆᓂᕐᒧᑦ 2003-ᒥ. ᓴᐃᓚ ᓴᓇᖑᐊᒃᑲᐅᓚᐅᖅᑐᖅ ᐳᐃᒍᖅᑕᐅᓚᐅᖅᓯᒪᓐᖏᑦᑐᑦ ᑲᔪᓯᔪᒥᒃ ᓯᕗᓂᒃᓴᑦᑎᓐᓄᑦ ᑖᒃᑯᑎᒍᑦ ᒪᒃᑯᒃᑐᑦ ᓴᓇᖑᐊᖅᑎᐅᓕᖅᑐᑦ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.