Kinngait
(1890–1966)
(1890–1966)
ᑐᓪᓕᒃ ᖃᐅᔨᒪᔭᐅᔪᖅ ᖃᓄᐃᓯᒪᓂᖏᓐᓄᑦ ᑲᒪᓂᖏᑦ ᓂᕐᔪᑎᓄᑦ ᐅᔭᕋᕐᓂᑦ, ᐱᓗᐊᖅᑐᒍ ᑎᒻᒥᐊᑦ ᐊᐅᒪᓗᖅᑐᓂᒃ ᐃᔨᖃᖅᑐᓂᒃ ᐊᒻᒪᓗ ᓵᑦᑐᖅ ᐃᓴᕈᖏᓐᓂᑦ. ᑐᓪᓕᒃ ᑎᑎᖅᑐᒐᖏᑦ, ᓴᓇᙳᐊᒐᖏᑎᑐᑦ, ᓴᙱᓂᖃᖅᑐᑦ ᖃᓄᐃᓐᓂᕆᔭᖏᓐᓄᑦ ᐊᒻᒪᓗ ᐱᔾᔪᑎᖃᖅᑐᓂᒃ ᓴᓇᙳᐊᖅᑎᐅᕐ ᑕᐅᑦᑐᒋᔭᖓᓂᑦ. ᐱᒻᒪᕆᐅᔪᒃᑯᑦ, ᑎᑎᖅᑐᒐᖏᑦ ᑕᑯᑎᑦᑎᔪᑦ ᐱᒻᒪᕆᐅᔪᓂᒃ ᐃᓕᖅᑯᓯᕆᔭᐅᔪᓂᒃ ᑕᒻᒫᕐᕕᒻᒥ 1900 ᐱᒋᐊᓕᓵᖅᑎᓪᓗᒋᑦ. ᐃᓅᓚᐅᖅᑐᖅ 1890 ᑭᒻᒥᕈᑦ, ᓄᓇᕗᑦ ᖃᓂᐊᓂ, ᑐᓪᓕᒃ ᓅᓚᐅᖅᑐᖅ ᐃᓚᖏᓐᓄᑦ ᑭᙵᓄᑦ 1951-ᖑᑎᓪᓗᒍ ᓴᓇᙳᐊᖅᐸᓪᓕᐊᓪᓗᓂ ᐊᒻᒪᓗ ᓂᐅᕕᐊᒃᓴᕆᓪᓗᒋᑦ ᑲᓇᑕᒥᐅᑕᖅ ᓴᓇᙳᐊᖅᑎ ᔩᒻᔅ ᕼᐃᐅᔅᑕᓐᒧᑦ. ᑐᓪᓕᒃ ᓴᓇᙳᐊᒐᖏᑦ ᐊᖏᖅᑕᐅᓯᒪᓪᓚᕆᓚᐅᖅᑐᑦ ᐊᒻᒪᓗ ᑕᑯᒐᓐᓈᖅᑎᑕᓪᓗᑎᒃ ᑲᓇᑕᒥ ᑕᑯᒐᓐᓈᒐᖃᕐᕕᒃ 1951-ᖑᑎᓪᓗᒍ, ᐊᒻᒪᓗ ᑯᕈᓂᓴᓐ ᑕᑯᒐᓐᓈᖅᑎᑦᑎᑐᓂᖅ ᒋᒻᐳ ᕕᐅᔅ ᑕᑯᒐᓐᓈᒐᖃᕐᕕᒃ ᓚᓐᑕᓐ, ᔪᓇᐃᑎᑦ ᑭᖕᑕᒻᒥ, 1953-ᖑᑎᓪᓗᒍ. ᓴᓇᙳᐊᒐᖏᑦ ᓇᓂᔭᐅᔪᓐᓇᖅᑐᖅ ᑲᑎᖅᓱᖅᑕᐅᓯᒪᔪᑦ ᑕᑯᒐᓐᓈᒐᖃᕐᕕᒃ ᐅᓪᓗᒥ ᓴᓇᙳᐊᒐᐃᑦ ᓂᐅ ᔪᐊᒃᒥ, ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᒫᓂᑐᐸᒥ, ᑕᑯᒐᓐᓈᒐᖃᕐᕕᒃ ᑐᕌᓐᑐ, ᐋᓐᑎᕆᔫᒥ, ᑲᓇᑕᒥ ᑕᑯᒐᓐᓈᒐᖃᕐᕕᒃ ᐋᑐᕙ, ᐋᓐᑎᐅᕆᔫᒥ, ᐊᒻᒪᓗ ᑎᓄᔅ ᑕᑯᒐᓐᓈᒐᖃᕐᕕᒃ ᑐᕋᕘᔅ ᓄᓇᓕᐸᐅᔭᖅ, ᒥᓯᒐᓐᒥ ᐊᓯᖏᓪᓗ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.
ᐅᖃᐅᑎᖃᒃᑐᖅ (about)
ᑐᑦᓕᒃ ᐊᐅᓪᓛᓚᐅᕐᒪᑦ ᑭᙵᕐᓄᑦ (ᑲᐃᑉ ᑐᐊᓴᑦᒧᑦ) ᓄᓇᖓᓄᑦ ᐱᒋᐊᓕᕋᑖᕐᓂᖏᓐᓂ 1950-ᑦ, ᐊᒻᒪᓗ ᑭᖑᓂᑦᑎᐊᑐᐃᓐᓇᖓᒍᑦ ᓴᓇᙳᐊᖃᑦᑕᕆᐊᓕᓚᐅᖅᑎᓪᓗᒍ ᓴᓇᒃᑳᓗᓕᓚᐅᕐᒪᑦ ᓴᓇᙳᐊᒐᕐᓂᒃ ᐃᖃᓇᐃᔭᕆᓕᕐᓗᓂᐅᒃ. ᓴᓇᔾᔪᓯᕆᓲᖓ ᐊᒃᓲᓗᐊᖏᑦᑐᖅ ᓴᓇᓯᒪᓗᐊᖏᓪᓗᑎᒃ ᐊᒻᒪᓗ ᖃᐃᕋᓪᓗᑎᒃ ᖄᖏᑦ ᐊᒃᓱᐋᓗᒃ ᐊᐅᓚᔾᔭᐃᓚᐅᕐᒪᑕ ᐃᕐᓂᖓᓂᒃ, ᓚᑦᓱᓚᔅᓯ ᐊᑭᓱᒃᒥᒃ, ᑖᓐᓇᓗ ᓴᓇᖃᑦᑕᓕᓚᐅᕐᒪᑦ ᓴᓇᙳᐊᖅᑎᐅᓕᕐᓗᓂ. ᓇᓄᙳᐊᑦ ᓴᓇᒐᔪᓚᐅᕐᒪᒋᑦ ᑐᑭᓯᓇᑎᒐᓱᐊᕐᓗᓂᒋᑦ ᑐᑦᓕᐅᑉ, ᐊᒡᓚᑦ ᐅᒃᐱᒡᔪᐊᙳᐊᑦ. ᑕᐅᑦᑐᖃᑎᓕᐅᕈᓯᖓ ᑕᐅᕙᖓᑦ 1950 ᖏᓐᓂᑦ ᐃᓕᓴᕐᓇᖅᐳᑦ ᐃᓗᑦᑎᖅᓯᒪᓂᖏᑎᒍ ᓇᓗᓇᐃᖅᓯᒐᔪᒻᒪᑕ ᖃᓄᐃᓕᖓᓂᖏᓐᓂᒃ ᐃᓗᐃᑲᐅᑉ ᐅᔭᕋᐅᑉ.
