Ashevak, Karoo

(1940–1974)

ᑲᔪ ᐋᓯᕙᒃ ᓴᓇᖑᐊᖅᑎ ᑕᓗᕐᔪᐊᕐᒥᐅᑕᖅ, ᓄᓇᕗᒻᒥ. ᓴᓇᖑᐊᖃᑦᑕᓕᓚᐅᖅᓯᒪᔪᖅ ᑕᒪᐅᓐᓇ ᓴᓇᖑᐊᕆᐅᖅᓴᑎᑦᑎᓂᕐᒥ ᐃᓕᓐᓂᐊᕈᑎᑦ ᐃᓄᓕᕆᔨᑐᖃᒃᑯᑦ ᑲᓇᑕ ᐊᒻᒪᓗ ᕿᓚᒥ ᓴᓇᖃᑦᑕᕐᓂᖓ ᑮᓇᐅᔭᓕᐅᕈᑎᒋᓪᓗᒍ ᐊᒥᓱᓂᒃ ᐱᔭᐅᔪᒪᓕᓚᐅᖅᓯᒪᔪᑦ ᓴᓇᔭᖏᓐᓄᑦ ᓴᕿᔮᖅᑐᓄᑦ ᑕᑯᒐᖃᕐᕕᖕᓂ ᑲᓇᑕᒥ ᐊᒻᒪᓗ ᔪᓇᐃᑎᑦ ᓯᑕᐃᑦᔅ. ᐋᓯᕙᒃ ᓴᓇᖑᐊᖅᑕᖏᑦ ᑕᒪᕐᒥᐸᓗᒃ ᐊᕐᕕᐅᑉ ᓴᐅᓂᖏᑦ, ᐃᓛᓐᓂᑯᑦ ᓴᓇᖃᑦᑕᓚᐅᖅᑐᖅ ᑐᒃᑐ ᓇᒡᔪᐊᓂᒃ, ᐅᒃᑯᓯᒃᓴᓕᒃ ᐊᒻᒪᓗ ᑑᒑᑦ ᑭᒍᑎᓪᓗ. ᐱᓕᕆᐊᕆᖃᑦᑕᓚᐅᖅᑕᖏᑦ ᐊᖏᔫᑎᑦ ᐊᒻᒪᓗ ᑭᓱᖑᐊᓕᐊᕆᓪᓗᒋᑦ ᓴᓇᖑᐊᖅᖢᒋᑦ, ᑭᓱᖑᐊᖑᓂᖏᑦ ᓇᓗᓇᐃᑦᑎᐊᖅᖢᒋᑦ ᐊᒻᒪᓗ ᓱᕋᑦᑎᓗᐊᕐᓇᒍ ᑖᒪᓐᓇ ᓴᓇᔭᒃᓴᓂ. ᓴᓇᔭᖏᑦ, ᐋᓯᕙᒃ ᓴᓇᖃᑦᑕᓚᐅᕐᒥᔪᖅ ᐊᓯᖏᓐᓂᒃ-ᓯᓚᕐᔪᐊᒥᐅᑕᐅᓐᖏᑦᑐᑦ ᐃᓄᖑᐊᑦ ᓴᕿᑎᑦᑎᐊᖅᖢᒋᑦ ᑎᔅᓯᓇᖅᓯᑎᓪᓗᒋᑦ. ᐊᔾᔨᒌᖏᓐᓇᕐᓂᒃ ᑐᑭᖃᓲᑦ ᐋᓯᕙᒃ ᓴᓇᔭᖏᑦ ᑕᕐᓂᖑᐊᑦ ᐊᒻᒪᓗ ᓯᓚᕐᔪᐊᑉ ᐊᓯᐊᓂᕐᒥᐅᖑᐊᑦ; ᐊᒥᓱᑦ ᓴᓇᔭᖏᑦ ᐊᑎᖃᖅᑐᑦ “Spirit” (ᑕᕐᓂᖅ) ᐅᕝᕙᓘᓐᓃᑦ “Figure” (ᑭᓱᖑᐊᖅ). ᑕᐃᑲᓂ (Fantasy) Figure with Birds ((ᓯᓇᑑᒪᖑᐊᑦ) ᑎᖕᒥᐊᖑᐊᑦ) (1972) ᐃᓕᖃᖓᖑᐊᖅᑐᑦ ᐃᔨᖁᖅᑐᓪᓗᑎᒃ ᐊᒻᒪᓗ ᑭᒍᑎᖃᐅᖅᖢᑎᒃ ᐊᑐᓂ ᐃᓕᐅᖃᖅᓯᒪᓪᓗᑎᒃ ᖄᖓᓂ ᐃᕙᕕᖓᑕ ᑎᖕᒥᐊᑦ ᐊᒻᒪᓗ ᐱᖃᑖ ᑕᕐᓂᖓ ᑎᕐᓕᐊᖅᓵᕆᔪᖅ ᐃᓄᖑᐊᑦ ᑐᐃᖓᓂᑦ. ᐅᓇ ᐃᓄᖑᐊᓕᐊᖓ ᐱᖓᓱᓂ ᒥᑭᓛᖅ ᑕᕐᓂᓕᒃ ᐊᒡᒐᖕᒥᔪᑦ ᐊᔭᒃᓯᓯᒪᔪᖅ ᑎᒥᐊᓂᑦ ᓲᕐᓗ ᓴᐳᒻᒥᓇᓱᒃᑐᖅ ᐃᒻᒥᓂᒃ. ᐋᓯᕙᒃ ᓴᕿᔮᖅᑎᑦᑎᓚᐅᖅᑐᖅ ᓴᓇᔭᒥᓂᒃ ᑕᒪᐃᓐᓂ ᑲᓇᑕᒥ ᐊᒻᒪᓗ ᔪᓇᐃᑎᑦ ᓯᑕᐃᑦᔅ ᑐᖁᖓᓕᖅᑎᓪᓗᒍ ᓴᕿᔮᖅᑎᑕᐅᔪᖅ ᓴᓇᔭᖏᑦ ᐅᓪᓗᒥᒧᑦ ᑎᑭᓪᖢᒍ. ᓴᓇᖑᐊᖃᑦᑕᖅᑕᖏᑦ ᐊᒻᒪᓗ ᓴᓇᖃᑦᑕᖅᑕᕕᓂᖏᑦ ᓇᓂᔭᐅᔪᓐᓇᖅᑐᑦ ᓄᐊᑕᐅᓯᒪᖕᒪᑕ ᑲᓇᑕ ᑕᑯᔭᒐᖃᕐᕕᖓᓂ, ᐋᑐᕚ, ᐋᓐᑎᐅᕆᐅ, ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᐋᓐᑎᐅᕆᐅ, ᑐᓛᓐᑐ, ᐋᓐᓂᐅᑎᕆᐅ, ᑲᓇᑕ ᑕᑯᔭᒐᖃᕐᕕᒃ ᐃᑦᑕᕐᓂᑕᓂᒃ ᑳᑦᑎᓄ, ᑯᐸᐃᒃ, ᕕᓂᐲᒃ ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᐊᒻᒪᓗ ᓯᒥᑦᓱᓂᐊᓐ ᑕᑯᔭᒐᖃᕐᕕᒃ ᐊᒥᐊᓕᒐᑦ ᐊᓪᓚᐃᑦ, ᒍᐊᓯᖕᑕᓐ ᑎ.ᓯ., ᔪᓇᐃᑎᑦ ᓯᑕᐃᑦᔅ ᐊᓯᖏᓐᓂᑦᑕᐅᖅ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

Ashevak, Karoo

ᓴᓇᙳᐊᒐᖅ

before 1974

ᐅᔭᕋᒃ

32 x 165 x 32 cm

Government of Nunavut Fine Art Collection, On long-term loan to the Winnipeg Art Gallery

974.28.1