Ullulaq, Judas

(1937–1999)

ᔫᑕᔅ ᐅᓪᓗᓚᖅ ᓴᓇᙳᐊᖅᑎᐅᓚᐅᖅᑐᖅ ᐅᔭᖅᑲᓄᑦ ᐱᓗᐊᖅᑐᒋᑦ ᐊᑐᖅᑐᓂ ᐊᔾᔨᒌᙱᑦᑐᓂᒃ ᑲᑎᙵᔪᓂᒃ ᐆᑦᑑᑎᒋᓗᒍ ᕿᓚᓗᒐᐅᑉ ᓴᐅᓂᖓ, ᑑᒑᖅ, ᓇᒡᔪᒃ, ᓴᐅᓂᖅ, ᐃᕙᓗᒃᓴᖅ ᐊᒻᒪᓗ ᐅᒥᒻᒪᐅᑉ ᓇᒡᔪᖓᓂᒃ. ᓄᓇᖃᖅᑐᓂ ᑕᓗᕐᔪᐊᖅ, ᓄᓇᕗᒻᒥᐅᑕᖅ, ᐅᕙᑦᑎᐊᕈ ᓅᓪᓗᓂ ᐅᖅᓱᖅᑑᖅ, ᓄᓇᕗᒻᒧᑦ. ᐅᓪᓗᓚᖅ ᓴᖅᑭᑎᑦᑎᓚᐅᖅᑐᖅ ᓴᓇᙳᐊᒐᓂᒃ ᐱᔾᔪᑎᖃᖅᑐᑦ ᑮᓇᐃᑦ ᐃᔨᒋᔪᓂᑦ, ᐊᔾᔨᒌᙱᑦᑐᑦ ᐃᔩᑦ ᐅᕝᕙᓘᓐᓃᑦ ᒪᑐᐃᖅᓯᒪᔪᑦ ᕿᖓᐃᑦ ᐊᒻᒪᓗ ᐊᖏᔪᑦ ᖃᓂᖏᑦ, ᓴᓇᙳᐊᒐᖅ ᐃᓚᖃᖅᑐᓂ ᐅᔪᕈᐊ ᑲᕉ ᐋᓯᕙᒃ. ᑖᒃᑯᐊ ᐊᑐᖅᑕᐅᔪᑦ ᑐᓂᓯᔪᑦ ᐅᓪᓗᓚᐅᑉ ᓴᓇᙳᐊᒐᖏᑦ ᓴᙱᓂᖃᖅᑐᓂᒃ ᐃᑉᐱᒋᓂᕐᒧᑦ ᐊᒻᒪᓗ ᐃᑉᐱᓐᓇᖅᑐᓂᒃ ᑕᐃᒪᐅᔪᓂᒃ. ᓴᓇᙳᐊᒐᖏᑦ ᑕᑯᒐᓐᓈᖅᑎᑕᐅᓯᒪᔪᑦ ᑲᓇᑕᒥ ᐊᒻᒪᓗ ᓯᓚᕐᔪᐊᒥ 90 ᐅᖓᑖᓂ ᐃᒻᒥᒃᑯᑦ ᐊᒻᒪᓗ ᑲᑎᙵᔪᒃᑯᑦ ᑕᑯᒐᓐᓈᖅᑎᑦᑎᓂᕐᒧᑦ ᐊᒻᒪᓗ ᑕᐃᒪᐅᔪᑦ ᐊᒥᓱᓂᑦ ᑲᑎᖅᓱᖅᑕᐅᓯᒪᔪᓂᑦ ᐃᓚᒋᓗᒍ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᒫᓂᑐᐸᒥ, ᑲᓇᑕᒥ ᑕᑯᒐᓐᓈᒐᖃᕐᕕᒃ ᐃᑦᑕᕐᓂᑕᐃᑦ ᒐᑎᓅ, ᑯᐱᒃᒥ, ᑲᓇᑕᒥ ᑕᑯᒐᓐᓈᒐᖃᕐᕕᒃ ᐋᑐᕙ, ᐋᓐᑎᐅᕆᔫ, ᐊᒻᒪᓗ ᑕᑯᒐᓐᓈᒐᖃᕐᕕᒃ ᐃᓕᖅᑯᓯᓕᕆᓂᕐᒧᑦ ᕚᓐᑐᕗ, ᐳᕆᑎᔅ ᑲᓚᒻᐱᐊᒥ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

ᕼᐊᖃᓚᑐᐊᕐᔪᒃ (ᐊᖑᑦ ᐃᒑᓂᒃ ᐊᑐᖅᑐᖅ)

1995

ᐅᔭᕋᒃ, ᓇᒡᔪᒃ

27 x 21 x 15.5 cm

Collection of the Winnipeg Art Gallery, Acquired with funds from The Winnipeg Art Gallery Foundation Inc.

G-95-156 ab

ᐅᖃᐅᑎᖃᒃᑐᖅ (about)

ᕼᐊᖃᓚᑐᐊᕐᔪᒃ (ᐊᖑᑦ ᐃᒑᓂᒃ ᐊᑐᖅᑐᖅ)

ᕼᐊᖃᓚᑐᐊᕐᔪᒃ (ᐊᖑᑦ ᐃᒑᓂᒃ ᐊᑐᖅᑐᖅ)

ᑖᓐᓇ ᑕᐅᑦᑐᖃᑎᓪᓗᐊᓕᐊᕆᓯᒪᔪᖅ ᑕᑯᒃᓴᐅᑎᑦᑎᒻᒪᑦ ᐊᖑᑎᒥᒃ ᑕᐃᔅᓱᒥᖓ ᖃᐅᔨᒪᔭᐅᑦᑎᐊᖅᑐᒥᒃ ᓇᑦᓯᓕᒻᒥ ᐅᓂᒃᑲᐅᓯᐅᓂᖓᓂ. ᐅᒃᐱᕆᔭᐅᓚᐅᕐᒪᑦ ᑭᓱᓕᒫᓂᒃ ᑕᒻᒪᖃᑕᖅᑐᕆᔭᐅᓪᓗᓂ, ᐊᒻᒪᓗ ᐱᐅᒋᔭᐅᒍᓐᓇᕋᓂ.
ᐊᐅᓪᓚᖅᓯᒪᖃᑎᖃᓚᐅᕐᒪᑦ ᓄᓕᐊᕐᒥᓂᒃ ᑐᑦᑐᓯᑎᓪᓗᒋᒃ. ᐊᖑᑎ ᐋᓐᓂᖅᓯᕆᔪᐊᓗᓕᓚᐅᕐᒪᑦ ᕿᒻᒥᒥᓂᒃ ᐊᒻᒪᓗ ᓂᐹᖅᑎᑦᑎᔪᐋᓗᓪᓗᓂ ᑐᓴᖅᓴᐅᓗᐊᓕᕐᓗᑎᒃ, ᓂᐸᐃᑦᑑᖏᖔᕐᓗᓂ ᐅᐹᔭᕋᓱᓂᐋᖅᑎᓪᓗᓂᒋᑦ ᑐᑦᑐᐃᑦ. ᓄᓕᐊᖓᑕ ᐅᖃᐅᑎᓕᓚᐅᖅᑕᖓ ᓂᐹᖅᑎᑦᑎᔪᐋᓗᖁᓇᓂᐅᒃ, ᑐᑦᑐᐃᑦ ᕿᒪᒃᓯᑦᑕᕐᓂᐋᕐᒪᑕ.
ᐊᖑᑎ ᑎᒍᓯᓪᓗᓂ ᓴᕕᒻᒥᓂᒃ ᐅᓪᓚᒃᓯᓚᐅᕐᒪᑦ ᒪᓕᓕᕐᓗᓂᒋᑦ ᑐᑦᑐᐃᑦ. ᐅᑎᓕᓚᐅᕐᒥᔪᖅ ᖃᖓᐅᓕᖅᑎᓪᓗᒍ ᐊᐅᓪᓚᖃᑎᒋᓕᕐᒥᓗᓂᒋᓪᓗ ᓄᓕᐊᓂ ᐊᒻᒪᓗ ᕿᒻᒥᓂ. ᑎᑭᐅᑎᓚᐅᖅᑐᒃ ᑲᑎᒻᒪᔪᓄᑦ ᑐᖁᖓᔪᕗᑦ ᑐᑦᑐᒥᓂᕐᓄᑦ, ᐊᒻᒪᓗ ᓄᓕᐊᖓ ᖃᐅᔨᓯᑲᓪᓚᓚᐅᖅᑐᖅ ᐅᐃᖓ ᐅᕿᓚᓂᑯᒧᑦ ᐊᖑᓯᒍᓐᓇᖅᓯᓚᐅᕐᓂᖓᓂᒃ ᑐᖁᕋᕐᓗᓂᒋᓪᓗ.

ᐊᔾᔨᖑᐊᖅ (photo)

ᕼᐊᖃᓚᑐᐊᕐᔪᒃ (ᐊᖑᑦ ᐃᒑᓂᒃ ᐊᑐᖅᑐᖅ)

ᕼᐊᖃᓚᑐᐊᕐᔪᒃ (ᐊᖑᑦ ᐃᒑᓂᒃ ᐊᑐᖅᑐᖅ)