Pangnark, John

(1920–1980)

ᐃᓅᓚᐅᖅᑐᖅ 1920−ᖑᑎᓪᓗᒍ, ᔮᓐ ᐸᕐᓇᒃ ᓴᓇᙳᐊᖅᑎᒻᒪᕆᐅᓚᐅᖅᑐᖅ 1960 ᕿᑎᖏᓐᓂ ᐃᓅᔪᓐᓃᖅᑎᓪᓗᒍ 1980−ᒥ. ᓄᓇᒥᐅᑕᐅᓚᐅᖅᑐᖅ 1950 ᑎᑭᓪᓗᒍ, ᐊᕐᕕᐊᑦ ᓄᓇᕗᒻᒧᑦ ᓅᓪᓗᓂ. ᐸᕐᓇᒃ ᖃᐅᔨᒪᔭᐅᓕᓚᐅᖅᑐᖅ ᓯᓚᕐᔪᐊᒥ ᐃᓱᒪᓂᖓᓄᑦ ᓴᓇᙳᐊᖅᓯᒪᔪᑦ ᐃᓄᐃᑦ ᐊᒻᒪᓗ ᒐᕙᓕᕆᓂᕐᒧᑦ ᐱᔾᔪᑎᖃᖅᑐᓂᒃ. ᓴᓇᙳᐊᖅᑎᐅᑎᓪᓗᒍ, ᓴᓇᙳᐊᖅᓯᒪᔭᖏᑦ ᐊᒥᓲᙱᓐᓂᖅᓴᐅᓚᐅᖅᑐᑦ ᑕᓕᖃᙱᑦᑐᑦ ᓂᐅᖃᙱᑦᑐᑦ, ᐊᖑᑕᐅᓂᖅ ᐊᕐᓇᐅᓂᖏᑦ ᑐᑭᓯᓇᙱᓐᓂᖅᓴᐅᓪᓗᑎᒃ ᐊᒻᒪᓗ ᓴᓇᙳᐊᖅᓯᒪᓂᖏᑦ ᓇᓗᓇᖅᓱᑎᒃ ᓱᓇᐅᓂᖏᓐᓄᑦ. ᐊᓯᖏᓪᓗ ᐱᐊᓂᒃᓯᒪᔭᖏᓐᓂᑦ, ᐸᕐᓇᒃ ᑕᑯᒍᓐᓈᖅᑎᑦᑎᓯᒪᔪᖅ ᑕᑯᒐᓐᓈᖅᑎᑦᑎᓂᖅ ’70 ᐅᓴᑲ, ᔭᐹᓐᒥ, ᐊᒻᒪᓗ ᐃᓚᒋᔭᐅᓚᐅᖅᑐᖅ ᑭᒡᒐᖅᑐᐃᓂᕐᒧᑦ ᓴᓇᙳᐊᖅᑎᓄᑦ ᐃᖏᕐᕋᓚᐅᖅᑐᖅ ᐃᓚᒋᔭᐅᓗᓂ ᑕᑯᒐᓐᓈᖅᑎᑦᑎᓂᕐᒧᑦ. ᓴᓇᙳᐊᒐᖏᑦ ᐱᓯᒪᔭᐅᔪᑦ ᑲᑎᖅᓱᐃᓂᕐᒧᑦ ᑲᓇᑕᐅᑉ ᑕᑯᒐᓐᓈᒐᖃᕐᕕᒃ ᐃᑦᑕᕐᓂᑕᐃᑦ ᒐᑎᓅ, ᑯᐱᒃ, ᐊᒻᒪᓗ ᑲᓇᑕᒥ ᑕᑯᒐᓐᓈᒐᖃᕐᕕᒃ ᐋᑐᕙᒥ, ᐊᒻᒪᓗ ᐱᒻᒪᕆᐅᔪᓂ ᓯᓚᑦᑐᖅᓴᕐᕕᓐᓂ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

ᐃᒃᓯᕙᔪᖅ ᓴᓇᙳᐊᒐᖅ

1968

ᐅᔭᕋᒃ

12.8 x 7 x 13.3 cm

Collection of the Winnipeg Art Gallery, Twomey Collection, with appreciation to the Province of Manitoba and Government of Canada

1249.71

ᐅᖃᐅᑎᖃᒃᑐᖅ (about)

ᐃᒃᓯᕙᔪᖅ ᓴᓇᙳᐊᒐᖅ

ᐃᒃᓯᕙᔪᖅ ᓴᓇᙳᐊᒐᖅ

ᐊᕐᕕᐊᒥ ᓴᓇᙳᐊᖅᑎᑦ ᓴᓇᓪᓗᐋᑕᓱᖑᒻᒪᑕ ᐃᓕᖅᑯᓯᖏᓐᓂ ᑕᐅᑦᑐᖃᕐᓗᑎᒃ ᐃᓚᖓᕐᓂᒃ ᑎᓯᔪᑦ ᓴᓇᙳᐊᖅᑕᐅᓱᑦ ᐅᔭᕋᐃᑦ ᐊᑐᓐᓇᐅᔪᒥᒃ ᓄᓇᓕᓐᓂ. ᐊᓯᕈᐃᕙᖏᒪᑕ ᖃᓄᐃᓕᖓᐅᑎᐋᕐᓂᖏᓐᓂ ᐊᒻᒪᓗ ᓴᓇᖃᑦᑕᓗᐋᓱᖑᓇᑎᒃ ᐊᕕᒃᑕᐅᓗᓂ ᐅᔭᕋᒃ ᓴᓇᒍᒪᓪᓗᑎᒃ ᐱᐅᓈᖏᓪᓗᓂ ᑭᓱᑕᖃᖏᓐᓂᖓ. ᑕᐅᑦᑐᓕᐅᖅᓯᒪᑐᐃᓐᓇᖅᑐᖅ ᓴᓇᔭᐅᓯᒪᔪᑦ ᔮᓐ ᐸᖕᓂᐊᖅᒧᑦ ᑕᐃᒪᖑᓱᖑᓕᖅᑎᑦᑎᓯᒪᒻᒪᑦ ᑖᔅᓱᒪ ᑲᔾᔮᕆᔭᐅᖏᓐᓂᒃ ᑕᐅᕙᖓᓂᑦ ᐃᓕᓴᕆᔭᐅᒋᐊᕐᖓᓚᐅᕐᖅᓯᒪᓂᖓᓂᒃ 1970-ᒥᑦ. ᑕᐃᔅᓱᒪᓂ ᐊᕐᕌᒍᒥ ᖃᐃᖁᔭᐅᓚᐅᖅᓯᒪᒻᒪᑦ ᑕᑯᒃᓴᐅᖁᔭᐅᓪᓗᓂ ᐅᔭᕋᒻᒥᒃ ᓴᓇᙳᐋᖅᑎᓪᓗᒍ ᑕᑯᒃᓴᐅᑎᑦᑎᕕᒻᒥ ’70 ᐅᓵᑲᒥ, ᔮᑉᐸᓃᓯᒃᑯᓐᓂ, ᐊᒻᒪᓗ ᓴᓇᔭᖓ ᑕᑯᒃᓴᐅᑎᑕᐅᓚᐅᕐᒪᑦ ᑕᐅᑦᑐᓕᐋᕆᓯᒪᔭᖓ ᓴᓇᙳᐊᖅᑎᐅᑉ ᔨᔅᓯ ᐆᓇᖅ ᓇᕈᑎᑕᐅᑎᓪᓗᒍ ᑕᑯᒃᓴᐅᑎᑦᑎᖃᑦᑕᕐᓗᓂ ᐋᖅᑭᒃᓱᖅᑕᐅᓯᒪᓪᓗᓂ ᑲᓇᑕᓕᒫᒥ ᑕᑯᔭᒐᖃᕐᕕᖁᑎᓕᒻᒧᑦ ᐊᖑᑎᒧᑦ ᐋᑐᕚᒥ.
ᐸᖕᓂᐊᑉ ᓴᓇᙳᐊᒐᖏᑦ ᑐᑭᓯᓇᖅᓯᑎᑦᑎᓱᖑᒪᑕ ᐊᑕᐅᓯᐅᓪᓗᓂ ᐃᓅᖑᐊᖅ ᓴᓇᓯᒪᓂᖓ. ᓴᓇᙳᐊᖃᑦᑕᕆᐊᓕᓚᐅᖅᓯᒪᒻᒪᑦ ᕿᑎᖏᓐᓂ-1960-ᑦ ᐊᒻᒪᓗ ᑖᓐᓇ ᓯᕗᓪᓕᖅᐹᖑᖃᑕᐅᓯᒪᓪᓗᓂ ᐃᒃᓯᕚᖑᐊᖅᑐᖅ ᑕᐅᑦᑐᓕᒃ ᓱᓕ ᐃᓕᓴᕐᓇᑦᑎᐊᖅᑐᑦ ᑎᒥᖑᐊᖓᑕ ᖃᐅᔨᒪᓇᕈᑎᖏᑦ ᐊᒻᒪᓗ ᕿᓪᓕᖅᓴᖅᓯᒪᓪᓗᓂ ᖄᖓ, ᐃᓚᒋᔭᐅᒻᒪᑦ ᐃᓗᑦᑎᖅᓯᒪᑐᐃᓐᓇᖅᑐᓂᑦ ᐱᐅᓈᖅᓯᒪᓱᕆᓚᐅᖅᑕᖏᑦ ᑭᖑᓂᖓᒍᑦ ᓴᓇᙳᐊᖃᒃᑕᖅᓯᒪᔭᖏᓐᓂ.

ᐅᖃᐅᑎᖃᒃᑐᖅ (about)

ᔨᐅᕆ ᑐᕘᒥ ᓄᐊᓯᒪᔭᖏᑦ ᐃᓄᐃᑦ ᓴᓇᐅᒐᖏᑦ (Twomey)

ᔨᐅᕆ ᑐᕘᒥ ᓄᐊᓯᒪᔭᖏᑦ ᐃᓄᐃᑦ ᓴᓇᐅᒐᖏᑦ (Twomey)

1971-ᒥ, ᐊᖏᔪᒻᒪᕇᑦ ᔨᐅᕆ ᑐᕘᒥ ᓄᐊᓯᒪᔭᖏᑦ 4,000 ᐃᓄᐃᑦ ᓴᓇᖑᐊᒐᖏᑦ ᓂᐅᕕᖅᑕᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒧᑦ. ᑐᕘᒥ ᐊᐅᖏᑎᒎᖅᑐᓂ ᓘᑦᑖᖑᓚᐅᖅᑐᖅ ᐊᒻᒪ ᓇᒥᓯᖃᑕᐅᓯᒪᔪᖅ ᕗᐃᓂᒐᐃᒡ T&T Seeds. ᐱᒋᐊᖅᑐᓂ 1952 ᐊᒻᒪ 1950-ᖏᓐᓂ ᐊᒻᒪ 1960-ᖏᓐᓂ, ᓄᐊᑦᑎᓚᐅᖅᑐᖅ ᓴᓇᔭᐅᓯᒪᔪᑦ ᓴᓇᖑᐊᒐᓕᐅᖅᑐᓕᒫᓂᑦ ᐃᓄᐃᑦ ᓄᓇᖏᓐᓂ. ᐱᐅᒋᔭᖃᒻᒪᕆᓚᐅᖅᑐᖅ ᑐᓂᐅᖅᑲᖅᑕᐅᓂᖏᓐᓄᑦ ᓴᓇᖑᐊᕈᓐᓇᑎᐊᖅᑐᓂᑦ ᐃᓚᒌᓐᓂᑦ ᐊᒻᒪ ᑭᖑᕚᕇᖃᑦᑕᐅᑎᔪᓂᑦ ᐊᒻᒪ ᓄᐊᑦᑎᓚᐅᖅᑐᖅ ᐃᒻᒥᑰᖅᑐᓂᑦ ᓴᓇᖑᐊᖅᑎᓂᑦ.
1969-ᒥ, ᑐᕘᒥ ᓄᖅᑲᕕᓚᐅᖅᑐᖅ ᐱᕈᕈᓐᓇᖅᑐᓂᑦ ᐱᓕᕆᓂᕐᒥᑦ ᐊᒻᒪ ᓅᑦᑐᓂ ᑲᓕᐴᓐᔨᐊᒧᑦ ᐱᕈᖅᓯᐊᓕᐅᖃᑦᑕᖅᑐᓂ. ᐃᓕᔭᐅᓂᖏᑦ ᓄᐊᓯᒪᔭᖏᑦ ᐋᔩᖃᑎᒌᔾᔪᑕᐅᒻᒪᕆᓚᐅᖅᑐᑦ ᐊᒥᓱᒐᒪᓐᓄᑦ ᑕᑯᔭᒐᖃᕐᕕᓐᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ. ᔪᐊᔾ ᓱᕕᓐᑕᓐ ᐊᔭᐅᕆᐊᓚᐅᖅᑕᖓ ᐳᕇᒥᐅᖑᓚᐅᖅᑐᖅ ᐃᐊᑦᕗᑦ ᓱᕋᐃᔪ ᓄᐊᑕᐅᓯᒪᔪᓂᑦ ᐱᒻᒪᕆᐅᓂᖓᓄᑦ ᐊᒻᒪ ᐋᒡᒌᓯ 1971 ᓱᕋᐃᔪ ᐊᑎᓕᐅᑦᑕᐅᑎᒋᓚᐅᖅᑕᖓ ᑲᑎᒪᔨᓄᑦ ᑮᓇᐅᓂ ᐱᕈᖅᑎᑦᑎᓗᓂ $185,000, ᐅᕝᕙᓘᓐᓃᑦ ᒪᕐᕉᒃ−ᐱᖓᓱᓂᑦ ᑮᓇᐅᔭᐃᑦ ᐱᑕᖃᕆᐊᖃᖅᑎᑕᐅᔪᑦ ᓂᐅᕕᕐᓗᒋᑦ ᓄᐊᑕᐅᓯᒪᔪᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒧᑦ. ᔫᓂ 1972-ᒥ, ᔭᐃᒻᔅ ᕆᑦᓱᑦᓐ, ᑕᐃᔅᓱᒪᓂ ᒐᕙᒪᑐᖃᒃᑯᓐᓄᑦ ᒥᓂᔅᑕ ᓱᓇᒃᑯᑖᖃᖅᑎᑦᑎᓂᕐᒧᑦ ᐊᒻᒪ ᐱᔨᑦᑎᖅᑕᓄᑦ, ᑐᓂᓯᓚᐅᖅᑐᖅ ᓯᒃᑭᒥᑦ ᐊᒥᐊᒃᑯᖓᓂ $75,000 ᑯᕕᐊᓱᒍᑎᖃᖅᑎᓪᓗᒋᑦ ᑕᑯᔭᒐᖃᕐᕕᒻᒥ. ᖁᕕᐊᓱᒍᑎᒋᓗᒋ ᑕᒪᒃᑭ ᒪᑐᐃᖅᑕᐅᓂᖓ ᓄᑖᖅ ᑕᑯᔭᒐᖃᕐᕕᒃ ᐃᓪᓗᖅ ᒥᐊᒨᕆᐅ ᐳᓕᕗᐊᑦ ᐊᒻᒪ ᓂᐅᕕᖅᑕᐅᓂᖏᑦ ᑐᕘᒥ ᓄᐊᓯᒪᔭᖏᑦ, ᒥᑭᔪᒥᑦ ᑕᑯᕋᓐᓈᖅᑕᐅᓂᐊᖅᑐᓂᑦ ᐋᖅᑭᑦᑕᐅᓚᐅᖅᑐᖅ 1972-ᒥ. 2003-ᒥ, ᐊᑕᖐᓂᖃᖅᑐᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᑕᑯᔅᓴᐅᑎᑦᑎᓂᖓ ᐊᒻᒪ ᑎᑎᕋᖅᑕᐅᓂᖏᑦ ᓴᖅᑭᑎᑦᑎᓚᐅᖅᑐᑦ ᐊᔾᔨᒌᓐᖑᐊᖅᑎᒐᔅᓴᐅᖏᑦᑐᑦ ᐱᕙᓪᓕᐊᑎᑕᐅᓂᖏᑦ ᐃᓄᐃᑦ ᓴᓇᐅᒐᖏᑦ 1950-ᖏᓐᓂ ᐊᒻᒪ 1960-ᖏᓐᓂ ᐱᑕᖃᖅᑎᑕᐅᔪᑦ ᑐᕘᒥ ᓄᐊᓯᒪᔭᖏᓐᓂ.