Papigatok, Mark
Kinngait (Cape Dorset)
(b. 1976)
Papigatok, Mark
(b. 1976)
ᒫᑯᓯ ᐸᐱᑲᑦᑐᖅ ᖃᐅᔨᒪᔭᐅᑦᑎᐊᖅᑐᖅ ᓴᓇᖑᐊᖅᑎ ᑭᓐᖓᓂ, ᓄᓇᕗᑦ. ᐃᓅᓂᑯ ᐳᕕᖕᓂᖅᑑᖅ, ᓄᓇᕕᒻᒥ, ᑯᐸᐃᒃ, ᐊᔪᕈᓐᓃᖅᓯᒪᔪᖅ ᐃᓚᒥᓂᑦ ᑖᒃᑯᐊᓗ ᓴᓇᖑᐊᖅᑎᐅᓚᐅᕐᒪᑕ, ᐃᓚᒋᔭᐅᓪᓗᓂ ᐊᑖᑕᑦᓯᐊᖓ, ᖃᕙᕈᐊᖅ ᑐᓂᓕ (1928-1993). ᑕᐃᒪᖓᓂᑦ ᐃᒻᒥᓂ-ᐃᓕᓐᓂᐊᖅᑎᖃᑦᑕᖅᖢᓂ, ᐸᐱᑲᑦᑐᖅ ᐃᓕᑦᑎᓯᒪᔪᖅ ᑕᑯᖃᑦᑕᖅᖢᓂ ᓴᓇᔪᓂᒃ ᐊᕙᑎᒥᓂ, ᓲᕐᓗ ᐊᒃᑲᖓ ᐋᓯᕙᒃ ᑐᓂᓕ (1956-2018). ᐊᒡᒐᒥᓄᑦ ᐊᒻᒪᓗ ᓴᓇᖑᐊᕈᑎᓄᑦ, ᐸᐱᑲᑦᑐᖅ ᖃᐅᔨᒪᔭᐅᔪᖅ ᒥᑭᔪᒥᒃ ᓴᓇᓲᖅ, ᑐᑭᖃᑦᑎᐊᖅᖢᒋᑦ ᐊᒻᒪᓗ ᐱᐅᓴᖅᓯᒪᓪᓗᒋᑦ. ᐱᔭᐅᔪᒪᓂᖅᐹᖑᓚᐅᖅᑐᖅ ᐸᐱᑲᑦᑐᖅ ᓴᓇᔭᖏᑦ ᒧᒥᖑᐊᖅᑐᑦ ᓇᓄᖑᐊᑦ. ᓴᕿᑎᑦᑎᖃᑦᑕᖅᓯᒪᔪᖅ ᕿᓕᖅᓴᖅᓯᒪᑦᑎᐊᖅᑐᓂᒃ, ᐊᖕᒪᓗᖅᑕᓂᒃ ᑎᑎᖅᓯᒪᔪᑦ, ᖁᐃᓂᔪᖅ ᑎᓂᖓ ᐊᒻᒪᓗ ᖁᕕᐊᓱᒃᑐᖅ, Young Polar Bear (ᒪᒃᑯᒃᑐᑦ ᓇᓄᖅ) (1992) ᐱᐅᓂᖅᐹᖅ ᓴᓇᓯᒪᔭᖓ ᓴᓇᖑᐊᖅᑎ ᓴᓇᖃᑦᑕᖅᑕᖏᓐᓂᑦ. ᐸᐱᑲᑦᑐᖅ ᖁᕕᐊᒋᔭᓕᒃ ᖃᐅᔨᓴᕆᐊᒃᓴᖅ ᐊᔾᔨᒌᓐᖏᑦᑐᓂᒃ ᓴᓇᖑᐊᒐᒃᓴᓂᒃ, ᐃᓛᓐᓂᒃᑯᑦ ᐊᔾᔨᒌᓐᖏᑦᑐᑦ ᑲᑎᓪᖢᒋᑦ ᓴᓇᖑᐊᖅᑕᒥᓄᑦ ᑕᑯᑎᑦᑎᓂᐊᕋᒥ ᐊᓯᕈᖅᐸᓪᓕᐊᖓᓂᖓᓂᒃ. ᐸᐱᑲᑦᑐᖅ ᐃᒃᐱᖕᓇᖅᑐᑦ ᓴᓇᖑᐊᖅᓯᒪᔭᖏᑦ ᒪᓕᒃᑕᐅᖃᑦᑕᖅᐳᖅ ᓯᓚᕐᔪᐊᒥᐅᑕᓂᑦ ᐊᒻᒪᓗ ᓴᕿᑎᑕᐅᖃᑦᑕᖅᓯᒪᔪᑦ ᑕᑯᔭᒐᖃᕐᕕᖕᓂ ᑕᒪᐃᓐᓂ ᔫᓚᑉ, ᑲᓇᑕ ᐊᒻᒪᓗ ᔪᓇᐃᑎᑦ ᓯᑕᐃᑦᔅ. ᐊᒥᓱᑦ ᓴᓇᔭᖏᑦ ᓴᕿᔮᖅᑎᑕᐅᖏᓐᓇᓲᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ ᑕᑯᔭᒐᖃᕐᕕᖕᓂ ᐸᓯᐅ, ᓱᕕᑦᓱᓚᓐᑦ. ᓴᓇᔭᖏᑦ ᓇᓂᔭᐅᔪᓐᓇᖅᑐᑦ ᑭᒃᑯᑐᐃᓐᓇᐃᑦ ᓄᐊᓯᒪᔭᖏᑦ ᑕᑯᔭᒐᖃᕐᕕᒃ ᐃᓄᐃᑦ ᓴᓇᖑᐊᖅᓯᒪᔭᖏᓐᓂᒃ ᑯᐸᐃ ᓯᑎ, ᑯᐸᐃᒃ, ᐊᒻᒪᓗ ᑲᓇᑕ ᑲᑎᒪᔨᖏᑦ ᓴᓇᖑᐊᖅᓯᒪᔪᓄᑦ ᑮᓇᐅᔭᒃᑯᕕᖓ ᐋᑐᕚ, ᐋᓐᑎᐅᕆᐅ, ᐊᓯᖏᓐᓂᓗ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.