ᒪᐅᑎ ᐅᑭᑦᑐᖅ ᓯᕗᓕᖅᓯᒻᒪᑦ ᓇᑦᑎᓕᒻᒥ (ᓂᓯᓕᒃ) ᓴᓇᙳᐊᖅᑎᐅᓂᖓᓂ. ᐊᕐᓇᐅᑉ ᐃᓄᒃᑎᑐᑦ ᐊᑎᖓ ᒪᐅᑎᐅᕗᖅ (ᐅᖃᒃᑕᐅᓲᖑᓪᓗᓂ ᒨ-ᐊ-ᑎ), ᐊᑦᑎᐊᖑᓪᓗᓂ ᓂᖏᐅᖓᓄᑦ, ᑭᓯᐊᓂ ᐊᑎᖓ ᐊᓐᓕᑲᒃᑰᑎᒎᖓᓕᖅᑎᑕᐅᓐᓂᕐᒪᑦ ᒪᐅᑎ. ᓴᓇᙳᐊᖃᑦᑕᕆᐊᓕᓚᐅᖅᓯᒪᓪᓗᓂ 1968-ᒥ ᐊᐅᓪᓛᓚᐅᖅᑎᓪᓗᒋᑦ ᑕᓗᕐᔪᐊᕐᒧᑦ. ᒪᐅᑎ ᐊᑐᕋᔪᖏᒻᒪᑦ ᐸᕐᓇᓚᐅᕐᓗᓂᐅᒃ ᓴᓇᙳᐊᓕᑕᐃᓐᓇᕐᓗᓂᒃ. ᐅᓕᒻᒫᒋᐊᓕᓱᖅ ᐃᓚᖔᑎᕐᓗᓂᐅᒃ ᑕᑯᕙᓪᓕᐊᓕᓚᐅᖏᓐᓂᕐᒥᓂ ᐋᖅᑭᒃᐸᓪᓕᐊᓂᖓᓂᒃ ᐅᔭᕋᐅᑉ ᐊᒻᒪᓗ ᐃᓱᒪᓕᐅᕈᑎᒋᓕᑕᐃᓐᓇᕐᓗᓂᒃ ᖃᓄᐃᓕᖓᓂᖓ ᑭᓱᖑᐊᖑᓂᐋᕐᒪᖔᑦ. ᓴᓇᖃᑦᑕᕆᐊᖓᓕᓚᐅᖅᓯᒪᔫᒐᓗᐊᖅ ᓴᖅᐱᓕᒻᒧᑦ ᓴᐅᓂᕐᓂᒃ ᐊᒻᒪᓗ ᑎᒍᒥᐊᕆᐊᓕᓐᓄᑦ ᓴᓇᕐᕈᑎᓄᑦ ᓲᕐᓗ ᐅᓕᒪᐅᑎᓄᑦ ᐊᒻᒪᓗ ᐊᒋᐊᕐᓄᑦ ᓴᓇᓗᓂᐅᒃ ᓴᓇᙳᐊᖅᑕᓂ, ᑭᖑᓂᖓᒍᓪᓗ ᐊᓯᕈᕐᓗᓂ ᐅᔭᕋᓐᓂᒃ ᐊᒻᒪᓗ ᐅᐊᔭᒨᖅᑐᑦ ᓴᓇᕐᕈᑎᓄᑦ.

2006-ᒥ, ᐊᖏᔪᑦ ᓄᐊᑕᐅᓯᒪᔪᑦ 246 ᓴᓇᔭᐅᓯᒪᔪᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ ᕚᓐᑰᕗᒥ ᓄᐊᑦᑎᖃᑦᑕᖅᑐᒧᑦ ᓘᑦᑖᖅ ᕼᐃᐅᕆ ᕗᐃᓐᕌᑉ. ᕗᐃᓂᐸᐃᒡᒥᐅᑕᓪᓚᕆᒃ, ᕗᐃᓐᕌᑉ ᓂᐅᕕᖃᑦᑕᕐᓂᑰᒻᒪᑦ ᐃᓄᐃᑦ ᓴᓇᖑᐊᒐᖏᓐᓂᑦ ᐱᒋᐊᖅᑐᓂ 1968. ᐱᔪᒪᓂᖃᒻᒪᕆᓕᓚᐅᖅᑐᖅ ᓄᐊᑦᑎᓂᕐᒥᑦ ᐃᓄᐃᑦ ᓴᓇᐅᒐᖏᓐᓂᑦ 1971-ᒥᑦ, ᐊᒻᒪ ᐱᓕᕆᓪᓗᐊᑕᖃᓕᖅᑐᓂ ᓂᐅᕕᖃᑦᑕᓂᕐᒥᑦ ᓴᓇᔭᐅᓯᒪᔪᓂᑦ ᐆᒪᔪᒥᓂᕐᒦᖔᖅᑐᓂᑦ ᐊᖑᓇᓱᑦᑕᐅᕙᑦᑐᓂᑦ (ᕿᓚᓗᒐᐃᑦ ᓴᐅᓂᖏᑦ, ᐊᐃᕖᑦ ᑑᒑᖏᑦ, ᐊᒻᒪ ᑐᑦᑐᐃᑦ ᓇᔾᔪᖏᑦ). 54 ᓴᓇᔭᐅᓯᒪᔪᑦ ᕗᐃᓐᕌᑉ ᓄᐊᓯᒪᔭᖏᑦ ᓴᓇᔭᐅᓯᒪᔪᑦ ᐆᒪᔪᒥᓂᕐᒦᖔᖅᑐᑦ, ᐊᒻᒪ 36 ᑖᒃᑯᐊᓂᖓ ᕿᓚᓗᒐᐃᑦ ᓴᐅᓂᖏᑦᓐᓂ. ᕗᐃᓐᕌᑉ ᐋᓐᓂᐊᓯᐅᖅᑎᐅᓚᐅᖅᓯᒪᔪᖅ ᐱᔾᔪᑎᒋᔭᖓ ᐱᔪᒪᓂᖃᕐᓂᖓ ᑖᒃᑯᓂᖓ ᐆᒪᔪᒥᓂᕐᒦᖔᖅᑐᓂᑦ. ᑭᓯᐊᓂᓕ, ᐱᔪᒪᓂᕆᓂᖅᓴᖓ ᐱᐅᔫᑎᓅᓚᐅᖅᑐᖅ. ᐱᔪᒪᓂᖃᓗᐊᓚᐅᖅᑐᖅ ᓴᓇᖑᐊᒐᑦᑎᐊᕙᓐᓂᑦ ᓴᓇᔭᐅᓯᒪᔪᑦ ᓇᑦᑎᓕᖕᒥᐅᑦ (ᓇᑦᓯᓕᒃ) ᓴᓇᖑᐊᖅᑏᑦ ᐅᕙᓐᖓᑦ ᑕᓗᕐᔪᐊᖅ, ᐅᖅᓱᖅᑑᖅ, ᐊᒻᒪ ᑰᒑᕐᔪᒃ. ᓴᓇᔭᐅᓯᒪᔪᑦ ᐊᖓᒃᑯᖃᓂᕐᒥᑦ ᐃᓗᓕᓕᓐᓂᑦ ᐱᔪᒪᓂᖁᓗᐊᓪᖑᐊᓚᐅᖅᑐᖅ, ᐱᓗᐊᖅᑐᒥᑦ ᐆᒪᔪᐃᑦ/ᐃᓄᐃᑦ ᐊᓯᔾᔨᖅᑐᓂᑦ. ᓇᓗᓇᐃᖅᓯᓚᐅᖅᑐᖅ ᐅᓴᐅᓚᐅᖏᑦᑐᖅ “ᐱᑕᖃᒐᔪᑦᑐᑦ” ᑭᓯᐊᓂ ᐊᔾᔨᐅᖏᑦᑐᑦ, ᐊᒻᒪᓘᓐᓃᑦ ᖃᓄᐃᓕᖓᕈᓘᔭᖅᑐᒥᑦ ᓴᖏᔪᒥᑦ ᐱᔪᒪᓂᕆᔭᖓᓄᑦ. ᒫᑦᓯᒥ 2008, ᕼᐃᐅᕆ ᕗᐃᓐᕌᑉ ᓄᐊᓯᒪᔭᖏᑦ ᐅᖃᐅᓯᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᑕᑯᔅᓴᐅᑎᑕᐅᔪᓂᑦ ᐊᒻᒪ ᑎᑎᕋᖅᑕᐅᓯᒪᔪᓂᑦ.