ᖃᓗᕋᖅ ᐃᓚᒋᔭᐅᓚᐅᖅᑐᖅ ᐊᔪᖏᓂᖏᓐᓂ ᖃᒪᓂ’ᑐᐊᑉ ᐅᔭᕋᖕᓂᒃ ᓴᓇᖑᐊᖅᐸᓪᓕᐊᓕᖅᑐᓂ ᓯᕗᓪᓕᕐᒥ ᐱᒋᐊᓕᓴᖅᑎᓪᓗᒋᑦ ᑕᒫᓂ 1960−ᖏᓐᓂ ᐊᕐᕋᒍᖏᓐᓂ, ᓴᓇᕙᓚᐅᕐᒪᑕ ᑭᑉᐹᕇᒃᑐᑲᓴᓐᓂᒃ ᐊᖑᓇᓱᑦᑎᖑᐊᓂᒃ ᐊᒻᒪᓗ ᐊᓯᖏᓐᓂ ᐃᓄᖑᐊᓂᒃ, ᐊᒥᓱᓄᑦ ᓂᐅᕕᐊᖑᕙᓚᐅᖅᑐᓂᒃ. ᖃᓗᕋᖅ ᓴᓇᖃᑦᑕᕆᐊᓕᓚᐅᖅᑐᖅ ᑎᑎᖅᑐᒐᕐᓂᒃ ᑎᑎᕋᐅᔭᖅᓯᒪᔪᓂᒃ ᑕᒫᓂ ᐊᕐᕋᒍᒥ 1969-ᒥ, ᐊᑐᖅᓱᓂᒋᑦ ᓴᓇᖑᐊᒐᓕᐅᕈᓐᓇᕐᓂᕐᒥᓂᒃ ᐊᔪᖏᓐᓂᕐᒥᓂᒃ, ᑎᑎᕋᐅᔭᕈᓐᓇᖅᓯᓪᓗᓂ ᐅᔭᕋᖕᒥᒃ ᓇᕿᑎᖅᑕᐅᓯᒪᕙᒃᑐᓂᒃ. ᑕᒪᓐᓇ ᓴᓇᕙᒃᑕᒥᓂ ᒪᓕᒻᒥᔪᖅ ᑕᒪᐃᓐᓂᒃ ᐱᔭᕆᐊᑐᔫᑎᑦᑎᑕᐃᓕᒪᓂᕐᒥ ᐊᒻᒪᓗ ᑭᑉᐸᕆᑦᑑᑎᑯᑖᖑᔪᔮᕈᓐᓇᖅᑐᓂᒃ ᐊᖏᔫᑎᓂᒃ, ᓴᕿᐅᒪᓪᓗᑎᒃ ᑕᐃᑲᓂ ᑮᓇᖑᐊᖏᓐᓂ ᐃᓕᐅᖃᐃᕝᕕᐅᓯᒪᓗᐊᖏᓂᖏᓐᓂ ᐋᕿᐅᒪᔪᓂᒃ.

1971-ᒥ, ᐊᖏᔪᒻᒪᕇᑦ ᔨᐅᕆ ᑐᕘᒥ ᓄᐊᓯᒪᔭᖏᑦ 4,000 ᐃᓄᐃᑦ ᓴᓇᖑᐊᒐᖏᑦ ᓂᐅᕕᖅᑕᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒧᑦ. ᑐᕘᒥ ᐊᐅᖏᑎᒎᖅᑐᓂ ᓘᑦᑖᖑᓚᐅᖅᑐᖅ ᐊᒻᒪ ᓇᒥᓯᖃᑕᐅᓯᒪᔪᖅ ᕗᐃᓂᒐᐃᒡ T&T Seeds. ᐱᒋᐊᖅᑐᓂ 1952 ᐊᒻᒪ 1950-ᖏᓐᓂ ᐊᒻᒪ 1960-ᖏᓐᓂ, ᓄᐊᑦᑎᓚᐅᖅᑐᖅ ᓴᓇᔭᐅᓯᒪᔪᑦ ᓴᓇᖑᐊᒐᓕᐅᖅᑐᓕᒫᓂᑦ ᐃᓄᐃᑦ ᓄᓇᖏᓐᓂ. ᐱᐅᒋᔭᖃᒻᒪᕆᓚᐅᖅᑐᖅ ᑐᓂᐅᖅᑲᖅᑕᐅᓂᖏᓐᓄᑦ ᓴᓇᖑᐊᕈᓐᓇᑎᐊᖅᑐᓂᑦ ᐃᓚᒌᓐᓂᑦ ᐊᒻᒪ ᑭᖑᕚᕇᖃᑦᑕᐅᑎᔪᓂᑦ ᐊᒻᒪ ᓄᐊᑦᑎᓚᐅᖅᑐᖅ ᐃᒻᒥᑰᖅᑐᓂᑦ ᓴᓇᖑᐊᖅᑎᓂᑦ.
1969-ᒥ, ᑐᕘᒥ ᓄᖅᑲᕕᓚᐅᖅᑐᖅ ᐱᕈᕈᓐᓇᖅᑐᓂᑦ ᐱᓕᕆᓂᕐᒥᑦ ᐊᒻᒪ ᓅᑦᑐᓂ ᑲᓕᐴᓐᔨᐊᒧᑦ ᐱᕈᖅᓯᐊᓕᐅᖃᑦᑕᖅᑐᓂ. ᐃᓕᔭᐅᓂᖏᑦ ᓄᐊᓯᒪᔭᖏᑦ ᐋᔩᖃᑎᒌᔾᔪᑕᐅᒻᒪᕆᓚᐅᖅᑐᑦ ᐊᒥᓱᒐᒪᓐᓄᑦ ᑕᑯᔭᒐᖃᕐᕕᓐᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ. ᔪᐊᔾ ᓱᕕᓐᑕᓐ ᐊᔭᐅᕆᐊᓚᐅᖅᑕᖓ ᐳᕇᒥᐅᖑᓚᐅᖅᑐᖅ ᐃᐊᑦᕗᑦ ᓱᕋᐃᔪ ᓄᐊᑕᐅᓯᒪᔪᓂᑦ ᐱᒻᒪᕆᐅᓂᖓᓄᑦ ᐊᒻᒪ ᐋᒡᒌᓯ 1971 ᓱᕋᐃᔪ ᐊᑎᓕᐅᑦᑕᐅᑎᒋᓚᐅᖅᑕᖓ ᑲᑎᒪᔨᓄᑦ ᑮᓇᐅᓂ ᐱᕈᖅᑎᑦᑎᓗᓂ $185,000, ᐅᕝᕙᓘᓐᓃᑦ ᒪᕐᕉᒃ−ᐱᖓᓱᓂᑦ ᑮᓇᐅᔭᐃᑦ ᐱᑕᖃᕆᐊᖃᖅᑎᑕᐅᔪᑦ ᓂᐅᕕᕐᓗᒋᑦ ᓄᐊᑕᐅᓯᒪᔪᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒧᑦ. ᔫᓂ 1972-ᒥ, ᔭᐃᒻᔅ ᕆᑦᓱᑦᓐ, ᑕᐃᔅᓱᒪᓂ ᒐᕙᒪᑐᖃᒃᑯᓐᓄᑦ ᒥᓂᔅᑕ ᓱᓇᒃᑯᑖᖃᖅᑎᑦᑎᓂᕐᒧᑦ ᐊᒻᒪ ᐱᔨᑦᑎᖅᑕᓄᑦ, ᑐᓂᓯᓚᐅᖅᑐᖅ ᓯᒃᑭᒥᑦ ᐊᒥᐊᒃᑯᖓᓂ $75,000 ᑯᕕᐊᓱᒍᑎᖃᖅᑎᓪᓗᒋᑦ ᑕᑯᔭᒐᖃᕐᕕᒻᒥ. ᖁᕕᐊᓱᒍᑎᒋᓗᒋ ᑕᒪᒃᑭ ᒪᑐᐃᖅᑕᐅᓂᖓ ᓄᑖᖅ ᑕᑯᔭᒐᖃᕐᕕᒃ ᐃᓪᓗᖅ ᒥᐊᒨᕆᐅ ᐳᓕᕗᐊᑦ ᐊᒻᒪ ᓂᐅᕕᖅᑕᐅᓂᖏᑦ ᑐᕘᒥ ᓄᐊᓯᒪᔭᖏᑦ, ᒥᑭᔪᒥᑦ ᑕᑯᕋᓐᓈᖅᑕᐅᓂᐊᖅᑐᓂᑦ ᐋᖅᑭᑦᑕᐅᓚᐅᖅᑐᖅ 1972-ᒥ. 2003-ᒥ, ᐊᑕᖐᓂᖃᖅᑐᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᑕᑯᔅᓴᐅᑎᑦᑎᓂᖓ ᐊᒻᒪ ᑎᑎᕋᖅᑕᐅᓂᖏᑦ ᓴᖅᑭᑎᑦᑎᓚᐅᖅᑐᑦ ᐊᔾᔨᒌᓐᖑᐊᖅᑎᒐᔅᓴᐅᖏᑦᑐᑦ ᐱᕙᓪᓕᐊᑎᑕᐅᓂᖏᑦ ᐃᓄᐃᑦ ᓴᓇᐅᒐᖏᑦ 1950-ᖏᓐᓂ ᐊᒻᒪ 1960-ᖏᓐᓂ ᐱᑕᖃᖅᑎᑕᐅᔪᑦ ᑐᕘᒥ ᓄᐊᓯᒪᔭᖏᓐᓂ.