Kuptana, Floyd

ᕙᓗᐃᑦ ᑯᑉᑕᓇ ᓴᓇᖑᐊᖅᑎ ᑐᓛᓐᑐᒥ, ᐋᓐᑎᐅᕆᐅ-ᐃᓂᖃᖅᑐᖅ ᐸᐅᓚᑑᕐᒥᐅᑕᖅ, ᐃᓅᕕᐊᓗᐃᑦ ᐃᓄᐃᑦ ᓄᓇᖓᓂ, ᓄᓇᑦᓯᐊᖅ, ᓴᓇᖃᑦᑕᖅᑐᖅ ᐅᒃᑯᓯᒃᓴᓕᖕᓂᒃ, ᐊᒥᐊᕆᖃᑦᑕᖅᑐᖅ ᐊᒻᒪᓗ ᓴᕿᔮᖅᑐᒃᓴᓂᒃ ᓴᓇᖃᑦᑕᖅᑐᖅ. ᑯᑉᑕᓇ ᐃᓕᑦᑎᓯᒪᔪᖅ ᐃᓪᓗᕐᒥᓂᑦ, ᕗᓚᓐᓯᔅ ᐅᓗᐱᓐ, ᐅᓇᓗ ᑯᑉᑕᓇᒥᒃ ᐃᑲᔪᖅᓯᒪᔪᖅ. ᐊᒻᒪᓗᑦᑕᐅᖅ ᐃᓚᖏᑦ ᑯᑉᑕᓇ ᑲᒪᔨᐅᖃᑦᑕᖅᑐᖅ ᐃᓕᓐᓂᐊᖅᑎᑦᑎᔪᓂ ᐊᔪᕈᓐᓃᕐᓂᐊᕐᒪᑕ ᓇᖕᒥᓂᖅ ᓴᓇᔪᓐᓇᖅᓯᓗᑎᒃ ᐊᕐᕕᐅᑉ ᓴᐅᓂᖓᓂᒃ ᐊᒻᒪᓗ ᐅᒥᖕᒪᐅᑉ ᓇᒡᔪᖏᓐᓂᒃ. ᑕᐃᑲᓂ ᖁᓛᓂ 1990-ᓂ, ᑯᑉᑕᓇ ᐊᐅᓪᓗᑎᓚᐅᖅᑕᖓ ᓇᖕᒥᓂᖅ ᓴᓇᖃᑦᑕᕈᒪᓪᓗᓂ, ᐅᓄᖅᓯᕙᓪᓕᐊᓗᑎᒃ ᐊᔾᔨᒌᓐᖏᑦᑐᑦ ᑕᕐᓂᖑᐊᓖᑦ ᑭᓱᖑᐊᑦ. ᓴᓇᔭᖏᑦ ᐱᓯᒪᓂᖃᖅᑐᑦ ᐃᓄᐃᑦ ᑕᕐᓂᖏᓐᓂᒃ ᐋᕿᒃᓯᒪᑦᑎᐊᖅᑐᑦ ᑎᒃᓯᓇᖅᓯᑎᓪᖢᒋᑦ ᑲᑉᐱᐊᓇᖅᖢᑎᒃᓗ ᐃᓄᖑᐊᖏᑦ ᑕᐃᒪᓗ ᑐᑭᓕᐅᖅᓯᒪᔪᖅ ᐊᓕᐊᓇᖅᑐᓂᒃ ᑕᕐᓂᓂᒃ ᐊᒻᒪᓗ ᐊᑑᑎᖃᓐᖑᐊᓐᖏᑦᑐᓂᒃ. ᑯᑉᑕᓇ ᐋᕿᒃᓯᖃᑦᑕᖅᑐᖅ ᓴᓇᓪᓗᒋᑦ ᐅᒃᐱᕆᔭᐅᔪᓂᒃ ᑕᕐᓂᕐᑎᒍᑦ ᐊᒻᒪᓗ, ᐱᓗᐊᖅᑐᒥᒃ, ᓴᕿᑎᓪᖢᒋᑦ ᑕᕐᓂᖅ-ᐃᓄᒃ ᐊᑕᔪᑦ ᓴᓇᓯᒪᔭᖏᑦ ᐊᑐᖅᓯᔪᑦ ᑖᒃᑯᖕᓂᖓ ᒪᕐᕉᖕᓂᒃ ᓯᓚᕐᔪᐊᓕᑦ. ᖃᐅᔨᒪᔭᐅᔪᖅ ᑮᓇᑉᐸᓕᐊᖏᓐᓄᑦ ᓲᕐᓗ ᖃᓄᐃᓕᔭᕌᖓᑦ ᐊᓯᕈᓲᑦ, ᓲᕐᓗ Shaman Mask (ᐊᖓᒃᑯᖅ ᑮᓇᑉᐸᖓ) (2011), ᐅᓇᓗ ᓴᕿᓲᖅ ᐃᓅᓪᓗᓂ, ᓂᕐᔪᑎᐅᓪᓗᓂ ᐊᒻᒪᓗ ᐊᓕᐊᓇᖅᑑᓪᓗᓂ – ᑮᓇᖓ ᓲᕐᓗ ᓅᖃᑕᖅᑐᖅ ᐊᓯᖑᖅᐸᒃᖢᓂ ᐋᕿᑦᑎᐊᖅᐸᒃᖢᓂ. Ballroom Dancer (ᓂᕈᑐᔪᒥ ᒧᒥᖅᑎ) (2005), ᐊᖏᔪᒥᒃ ᕿᓪᓕᖅᓴᖅᓯᒪᔪᖅ ᕿᓂᖅᑐᖅ ᓇᓄᖑᐊᖅ ᓴᓇᖑᐊᒐᒃᓴᖅ ᓇᖏᖅᑐᖅ ᓇᓄᖅ ᑕᓕᖏᑦ ᓂᐅᖏᓪᓗ ᓇᓗᓇᐃᖏᑦᑐᑦ ᒧᒥᖅᑐᖅ. ᑖᓐᓇ ᓇᓄᖑᐊᖑᖂᔨᔪᖅ ᑮᓇᐅᖃᖅᑐᖅ, ᑕᑯᓐᓇᖅᑐᓂᑦ ᐅᒃᐱᕐᓇᑦᑎᐊᖂᔨᒋᔭᐅᓐᖏᑦᑐᖅ ᐅᕝᕙᓘᓐᓃᑦ ᓯᓐᓇᒃᑑᒪᔪᖅ ᑮᓇᖓ ᐊᒻᒪᓗ ᓴᕿᑎᑕᐅᓚᐅᖅᓯᒪᔪᖅ ᖄᖓᓂ ᐅᐱᕐᖔᖅ 2008 ᐅᖃᓕᒫᒐᖅ ᐃᓄᐃᑦ ᓴᓇᖑᐊᖅᑐᓕᕆᔨᒃᑯᑦ ᐅᖃᓕᒫᒐᖅ. ᑭᖑᓂᐊᒍᑦ ᑕᒪᓐᓇ ᑮᓇᐅᔭᓕᐅᕈᑎᒋᖃᑦᑕᐃᓐᓇᖅᖢᒍ, ᑯᑉᑕᓇ ᐱᔭᕆᖅᓴᓕᓚᐅᕐᒥᔪᖅ ᐊᒥᐊᕆᓂᕐᒥᒃ. ᑕᕝᕙᓂ ᒪᕐᕉᓕᖓᖂᔨᔪᑦ ᓴᓇᔭᖏᑦ, ᑲᔪᓯᕙᒃᑐᖅ ᐃᓚᓪᓗᒋᑦ ᑎᔅᓯᓇᖅᑐᒥᒃ ᑲᑉᐱᐊᓇᖅᑐᒥᒃᓗ ᑕᕐᓂᖑᐊᖅ ᓴᕿᖃᑦᑕᖅᑐᖅ ᖃᐅᑕᒫᑦ ᐃᓅᓯᑦᑎᒍᑦ. ᑯᑉᑕᓇ ᓴᓇᔭᖏᑦ ᐃᓕᓴᕆᔭᐅᓯᒪᔪᑦ ᑕᑯᔭᒐᖃᕐᕕᖕᒥ ᑕᒪᐃᓐᓂ ᑲᓇᑕᒥ, ᔪᓇᐃᑎᑦ ᓯᑕᐃᑦᔅ, ᐊᒻᒪᓗ ᔫᓚᑉ. ᓴᓇᔭᖏᑦ ᐱᓯᒪᔭᐅᖕᒥᔪᑦ ᑭᒃᑯᑐᐃᓐᓇᐃᑦ ᓄᐊᓯᒪᔭᖏᓐᓂ ᓴᓇᖑᐊᖅᓯᒪᔪᓂᒃ ᑕᑯᔭᒐᖃᕐᕕᒃ ᐋᓐᑎᐅᕆᐅ ᑐᓛᓐᑐ, ᐋᓐᑎᐅᕆᐅ, ᓱᓂ ᐃᓄᒃ ᓄᐊᓯᒪᔭᖏᑦ ᐳᓐ, ᓱᕕᑦᓱᓚᓐᑦ ᐊᒻᒪᓗ ᕕᓂᐲᒃ ᓴᓇᖑᐊᖅᓯᒪᔪᓂ ᑕᑯᔭᒐᖃᕐᕕᒃ ᕕᓂᐲᒃᒥ, ᒫᓂᑑᐸ.