Kinngait (Cape Dorset)
(1941–2006)
(1941–2006)
ᐃᓄᒃ ᒪᓅᒥ ᐊᒥᓱᓂᒃ−ᐊᑐᒐᔅᓴᓕᕆᓂᕐᒧᑦ ᓴᓇᙳᐊᖅᑎᐅᓚᐅᖅᑐᖅ ᐃᓅᓪᓗᓂ ᑭᙵᐃᑦ (ᑮᑉ ᑐᐊᓯᑦ), ᓄᓇᕗᑦ. ᐃᓕᓐᓂᐊᖅᓯᒪᔪᖅ ᐊᔪᙱᔾᔪᑎᒥᓂᒃ ᑕᐅᑐᒃᑐᓂ ᐊᑖᑕᓂᒃ, ᖃᐅᔨᒪᔭᐅᑦᑎᐊᓚᐅᖅᑐᖅ ᓴᓇᙳᐊᖅᑎ ᒪᓐᓄᒥ ᓴᖁ. ᒪᓅᒥ ᐱᐅᒋᓂᖅᐹᕆᓚᐅᖅᑕᖓ ᐅᑭᐅᖅᑕᖅᑐᒥ ᓂᕐᔪᑎᑦ, ᕿᒥᕐᕈᐊᖅᓯᒪᔭᖏᑦ ᐊᔾᔨᒌᙱᑦᑐᒃᑯᑦ ᑐᓴᒐᔅᓴᓕᕆᓂᒃᑯᑦ ᐃᓇᒋᓗᒋᑦ ᓴᓇᙳᐊᕐᓂᖅ, ᑎᑎᖅᑐᒐᕐᓂᖅ, ᐊᒻᒪᓗ ᓴᕕᕋᕙᔭᖕᓂᒃ ᓴᓇᙳᐊᕐᓂᖅ. ᒪᓅᒥᐅᑉ ᓴᓇᙳᐊᒐᖏᑦ ᑕᑯᔅᓴᐅᓯᒪᔪᑦ ᓴᓇᙳᐊᒐᐃᑦ ᑕᑯᒐᓐᓈᖅᑎᑦᑎᓂᕐᒧᑦ ᑐᕌᓐᑐᒥ, ᑕᐃᑲᓂ ᐱᕙᓪᓕᐊᓯᒪᓂᖓ ᓴᓇᙳᐊᕐᓂᕐᒧᑦ. ᐱᓕᕆᐊᖏᑦ ᐱᓯᒪᔭᐅᔪᑦ ᑲᑎᖅᓱᐃᔨᓂᑦ ᐊᔾᔨᒌᙱᑦᑐᓂᒃ ᓯᓚᑦᑐᖅᓴᕐᕕᓐᓂ ᐆᑦᑑᑎᒋᓗᒍ ᑲᓇᑕᒥ ᑕᑯᒐᓐᓈᒐᖃᕐᕕᒃ ᐋᑐᕙ, ᐋᓐᑎᐅᕆᔫ, ᐊᒻᒪᓗ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᒫᓂᑐᐸᒥ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.
ᐅᖃᐅᑎᖃᒃᑐᖅ (about)
ᓄᓇᕐᔪᐊᓕᒫᒥ ᐊᒫᒪᒃᑎᑦᑎᕙᓐᓂᖅ ᓴᓇᐅᒐᓕᐊᕆᔭᐅᕙᒃᑐᖅ ᑕᒪᐃᓐᓂᒃ ᐅᑭᐅᖅᑕᖅᑐᒥ ᐊᒪᓗ ᓄᓂᑐᐃᓐᓇᖅ ᓄᓇᕐᔪᐊᕐᒥ. ᑕᒪᓐᓇ ᓇᓪᓕᒍᓱᓐᓂᖅ ᐊᓈᓇᖓ ᕿᑐᖓᒥᓂᒃ ᖁᕕᐊᒋᔭᐅᕙᒻᒪ, ᓴᐃᒪᓂᖃᕐᓂᕐᒧᑦ. ᐃᓄᒃ ᒪᓄᒥ ᓴᓇᓯᒪᕗᖅ ᐊᓈᓇᒥᒃ ᑕᑯᓐᓇᑦᑐᒥᒃ ᕿᑎᖓᒥᓂᒃ ᐊᒫᒪᒃᑎᑕᒥᓂᒃ. ᐊᒪᐅᑎᖓ ᖁᕙᓯᒃᓯᒋᐊᖅᓯᒪᔪᓐᓇᕐᓂᓕᒫᖅ ᖁᒻᒪᒃᓯᒪᕗᖅ ᐊᒫᒪᒃᑎᑦᑎᓂᖓᓂ, ᐸᕐᓇᓯᒪᑦᓯᐊᖅᓱᓂᓗ ᓂᒡᓚᓱᖕᓂᕐᔪᐊᖑᓂᕐᒧᑦ.
