Panniqtuuq
(b. 1951)
(b. 1951)
ᑲᔪᖏᖅᓴᔭᐅᓯᒪᒐᒥ ᐊᓈᓇᒥᓂᑦ, ᖃᐅᔨᒪᔭᐅᑦᑎᐊᖅᑐᖅ ᑎᑎᖅᑐᒐᖅᑎ ᐃᓕᓴᐱ ᐃᓱᒡᓗᑕᖅ, ᔭᐃᑯ ᐃᓱᒃᓗᑕᖅ ᓴᓇᖕᖑᐊᖃᑦᑕᓯᒋᐊᓚᐅᖅᑐᖅ ᐅᑭᐅᖃᖅᖢᓂ 16-ᓂᒃ, ᐃᓕᑦᑎᓚᐅᖅᑐᖅ ᓴᓇᖑᐊᕐᓂᕐᒥᒃ ᐊᑖᑖᑦᑎᐊᒥᓂᑦ. ᑕᐃᑲᓂᕐᒥᐅᑕᐅᔪᖅ ᐸᖕᓂᖅᑑᖅ, ᓄᓇᕗᑦ, ᐃᓱᒃᓗᑕᖅ ᓴᓇᖕᖑᐊᒐᖏᑦ ᖃᓄᕆᑦᑐᑐᐃᓐᓇᓂᒃ ᓴᓇᓯᒪᖃᑦᑕᖅᑐᑦ, ᓲᕐᓗ ᓇᒡᔪᒃ, ᑑᒑᖅ ᑭᒍᑎ, ᐊᕐᕕᐅᑉ ᓴᐅᓂᖓ ᐊᒻᒪᓗ ᐅᒃᑯᓯᒃᓴᓕᒃ, ᐊᒻᒪᓗ ᖃᐅᔨᓴᖅᓯᒪᖕᒥᔪᖅ ᖃᕆᓴᐅᔭᒃᑯᑦ ᓴᓇᖑᐊᕐᓂᕐᒥᒃ. ᑕᐃᒪᖓᓂᑦ ᓴᓇᖑᐊᖃᑦᑕᕐᓂᓕᒫᒥᓂ, ᐊᒥᓱᑦ ᑎᑎᕋᐅᔭᖅᒪᔭᖏᑦ ᐊᑭᐊᕐᒥᐅᑕᕈᖃᑦᑕᖅᑐᖅ ᐊᒻᒪᓗ ᑎᑎᖅᑐᒐᖅᑕᐅᓯᒪᔪᑦ ᓴᓇᖕᖑᐊᖅᑎᓂᑦ ᑕᐃᑲᓂ ᐅᖁᕐᒥᐅᑦ ᓴᓇᖕᖑᐊᒐᖃᕐᕕᒃ ᐊᒻᒪᓗ ᒥᖅᓱᒐᖅᓯᒪᔪᓂᒃ ᓂᐅᕕᐊᒃᓴᖃᓲᖅ ᐸᖕᓂᖅᑑᒥ. ᐃᓱᒪᒋᔭᐅᔪᖅ ᐅᓇ ᖃᐅᔨᒪᔭᐅᑦᑎᐊᕐᓂᖅᐹᖅ ᓴᓇᖕᖑᐊᖅᑎᓕᒫᓂᑦ ᓄᓇᒥᓂ, ᐃᓱᒃᓗᑕᖅ ᐃᓄᑑᓪᓗᓂ ᓴᕿᔮᖅᑎᑦᑎᓯᒪᔪᖅ ᑕᑯᔭᒐᖃᕐᕕᖓᓂ ᐃᓄᐃᑦ ᑐᓛᓐᑐᒥ ᑕᐃᑲᓂ 2012, ᐊᒻᒪᓗ ᐃᓕᓴᕆᔭᐅᓯᒪᔪᖅ ᓄᓇᕗᒻᒥ ᑲᒥᓯᓇᖓᑕ ᓴᓇᖕᖑᐊᖅᑎᓄᑦ ᐃᓕᓴᖅᓯᔾᔪᑎᖏᓐᓂᒃ ᑕᐃᑲᓂ 2018 ᐃᓕᓴᕆᔭᐅᓪᓗᑎᒃ ᐃᑲᔫᑎᖏᑦ ᐊᕕᒃᑐᖅᓯᒪᔪᓂ ᓴᕿᔮᖅᑎᑕᒃᓴᐃᑦ ᓴᓇᖕᖑᐊᖅᓯᒪᔪᑦ.
ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.
ᐅᖃᐅᑎᖃᒃᑐᖅ (about)
ᔭᐃᑯ ᐃᓱᓪᓗᑕᖅ ᓴᖑᐊᖃᑕᕆᐊᓕᓚᐅᖅᑐᖅ ᐅᑭᐅᖃᓕᕋᒥ 16-ᓂ. ᓴᓇᓯᑎᐊᓗᒻᒥᒃ ᐃᓕᑦᑎᓚᐅᖅᑐᖅ ᐊᓈᓇᒥᓂ ᐃᓕᓴᐱ ᐃᓱᓪᓗᑕᕐᒥᒃ. ᐊᒥᓱᑦ ᓴᓇᖑᐊᖅᓯᒪᔭᖏᑦ ᑐᖓᕕᖃᖅᑐᑦ ᐅᓂᒃᑳᖅᑐᐊᓂᒃ ᑐᓵᕙᓚᐅᖅᑕᖏᓐᓂᒃ ᐊᑖᑖᑎᐊᒥᓂᒃ. ᐊᓯᖏᑦ ᓴᓇᐅᒐᖏᑦ, ᓲᕐᓗ ᑖᑦᓱᑐᓇ, ᓴᕿᐅᒪᑎᑦᑎᕗᑦ ᖃᐅᑕᒫᖅ ᐃᓅᓯᕆᕙᓚᐅᖅᑕᖏᓐᓂᒃ. ᑕᕝᕙᓂ ᓴᓇᖑᐊᒐᕐᒥᒃ, ᐊᕐᓇᖅ ᐱᖑᐊᖅᐳᖅ ᐃᒥᓗᑕᖅᒥᒃ. ᕿᔪᒻᒥ ᓵᑦᑐᖅ ᐊᑕᔪᒥᒃ ᒪᕐᕉᖕᓄᑦ ᐃᐱᐅᑖᖕᓄᑦ ᐃᒡᓗᑦᑐᑦ ᐊᒡᒐᖏᓐᓄᑦ, ᑐᓴᖅᓴᐅᔪᖃᕈᓐᓇᖅᑐᓂ ᐅᑎᖅᑕᖅᑎᑕᐅᓗᑎᒃ.
