Kinngait (Cape Dorset)
(b. 1944)
(b. 1944)
ᐃᓅᓚᐅᖅᑐᖅ 1944-ᖑᑎᓪᓗᒍ ᓴᓪᓗᐃᑦ, ᓄᓇᕕᒃ, ᑯᐱᒃ, ᑯᒪᑯᓗᒃ ᓴᒡᒋᐊᖅ ᐊᒥᓱᐃᖅᑐᒍ ᓄᑦᑎᖅᑐᖅᓯᒪᔪᖅ ᓄᓇᓕᖃᖅᑳᖅᑎᓐᓇᒍ ᑭᖓᐃᑦ, ᓄᓇᕗᒻᒥ. ᓴᓇᙳᐊᒐᖏᑦ ᑐᖑᔪᖅᑕᑦ – ᐊᒻᒪᓗ ᕿᕐᓂᖅᑐᑦ – ᐅᔭᕋᐃᑦ ᓴᓇᙳᐊᒐᖏᑦ ᓇᓗᓇᐃᒃᑯᑕᐅᔪᑦ ᓄᓇᓕᖓᓂ ᐊᑐᖅᑕᐅᔪᓄᑦ, ᓴᓇᙳᐊᕐᓂᖓᒍᑦ ᐊᔾᔨᖃᙱᑦᑐᑦ ᓴᓇᓯᒪᓂᖏᑦ. ᓴᒡᒋᐊᑉ ᐃᑉᐱᓐᓇᖅᑐᑦ ᐆᒪᔪᑦ ᐱᐅᓂᖏᑦ ᓴᖑᖓᓯᒪᔪᑦ ᐊᔾᔨᒌᙱᑦᑐᑦ ᐱᔾᔪᑎᖃᖅᑐᑦ ᓯᕗᒧᐊᕐᓂᕐᒧᑦ ᐊᐅᓚᓂᕐᒧᑦ ᐊᒻᒪᓗ ᐃᖏᕐᕋᓂᕐᒧᑦ. ᖃᐅᔨᒪᔨᒻᒪᕆᒃ ᑕᑯᒐᓐᓈᖅᑎᑦᑎᓯᒪᓂᕐᒧᑦ ᓴᓇᙳᐊᖅᑎᐅᑎᓪᓗᒍ, ᓴᒡᒋᐊᑉ ᓴᓇᙳᐊᒐᖏᑦ ᑕᑯᓐᓇᖅᑎᑕᐅᓯᒪᔪᑦ ᓕᐱᐅᓪ ᑕᑯᒐᓐᓈᒐᖃᕐᕕᒃ (1965), ᒪᓐᑐᕆᐊᓪ, ᑯᐱᒃ, ᑲᓇᑕᒥ ᑕᑯᒐᓐᓈᒐᖃᕐᕕᒃ ᑲᓇᑕ (1967) ᐊᑐᕙ, ᐋᓐᑎᐅᕆᔪ, ᐊᒻᒪᓗ ᐊᒥᐊᓕᑲᓕᒫᒥ ᐃᓚᒋᔭᐅᓪᓗᒍ ᔅᒥᑦᓲᓂᐊᓐ ᓯᓚᑦᑐᖅᓴᕐᕕᒃ ᕿᒥᕐᕈᐊᖅᑎᓪᓗᒋᑦ ᐃᓄᐃᑦ ᓴᓇᙳᐊᒐᖏᓐᓂᑦ ᑕᑯᒐᓐᓈᖅᑎᑦᑎᓂᕐᒧᑦ (1979-1981). ᓯᒡᒋᐊᖅ ᓂᕈᐊᖅᑕᐅᓯᒪᔪᖅ ᐊᒥᓱᑲᓪᓚᓄᑦ ᖁᑦᑎᑦᑐᒃᑯᑦ−ᑭᓇᐅᓂᖓᓄᑦ ᐊᑭᓕᖅᑕᐅᓗᓂ ᓴᓇᙳᐊᕐᓂᕐᒧᑦ. ᓴᓇᙳᐊᒐᖏᑦ ᓇᓗᓇᐃᔭᖅᑕᐅᓯᒪᔪᑦ ᓯᓚᕐᔪᐊᒥ ᑕᑯᔭᖅᑐᖅᓯᒪᔪᓄᑦ ᑐᙵᓱᒃᑎᑕᐅᓯᒪᓪᓗᓂ, ᐱᖃᑎᒋᓪᓗᒍ ᐃᓚᐃᔭ ᐳᑐᒍᖅ, ᓴᖅᑭᑎᑦᑎᓂᐊᕐᓗᓂ ᐊᖏᔪᒥᑦ ᑎᑎᖅᑐᒐᖅᓯᒪᔪᒥᑦ ᒪᓐᑐᕆᐊᓪᒥ ᑕᑯᑎᑦᑎᔪᑦ ᐃᓅᓯᕆᔭᐅᔪᑦ ᐅᑭᐅᖅᑕᖅᑐᒥ ᐱᔾᔪᑎᒋᓪᓗᒍ 1967 ᓄᓇᖃᑎᒌᒃᑐᓄᑦ ᐃᑲᔪᖅᑎᒌᖑᔪᑦ ᓄᓇᓕᐸᐅᔭᒃᑯᑦ ᐊᒻᒪᓗ ᓯᓚᕐᔪᐊᒥ ᑕᑯᒐᓐᓈᖅᑎᑦᑎᓂᕐᒧᑦ, ᖃᐅᔨᒪᔭᐅᔪᖅ ᐃᒃᔅᐳ 67. 1980-ᖑᑎᓪᓗᒍ, ᓴᒡᒋᐊᖅ ᐊᐱᕆᔭᐅᓚᐅᖅᑐᖅ ᑭᒃᑯᑐᐃᓐᓇᓄᑦ ᐱᔨᑦᑎᕋᖅᑎᓕᕆᔨᒃᑯᑦ ᑲᓇᑕᒥ ᓴᖅᑭᑎᑦᑎᓂᐊᕐᓗᓂ ᐊᒥᓱᓂᒃ ᑐᑭᓕᐊᖅᓯᒪᔪᒥᑦ ᓴᓇᙵᐊᒐᒥᑦ ᑕᖅᓴᒃᓯᒪᔪᒥᑦ ᐱᔾᔪᑎᒋᓪᓗᒍ ᒪᓕᒐᓕᕆᕝᕕᒡᔪᐊᖅ ᐃᓗᕐᔪᐊᖓ ᐊᑐᕙᒥ. ᓴᒡᒋᐊᖅ ᓴᓇᙳᐊᒐᖏᑦ ᓇᓗᓇᐃᒃᑯᑕᕆᔭᐅᔪᑦ ᐊᒥᓱᑲᓪᓚᓂ ᓇᒻᒥᓂᕆᔭᐅᔪᑦ ᐊᒻᒪᓗ ᓯᓚᑦᑐᖅᓴᕐᕕᒃᑯᑦ ᑲᑎᖅᓱᖅᑕᐅᓯᒪᔪᑦ ᐃᓚᒋᓗᒍ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᒫᓂᑑᐸᒥ ᐊᒻᒪᓗ ᑎᑏ (TD) ᑯᐊᐳᕆᑦ ᓴᓇᙳᐊᒐᓄᑦ ᑲᑎᖅᓱᖅᑕᐅᓯᒪᔪᑦ.
ᐅᖃᐅᑎᖃᒃᑐᖅ (about)
ᑯᒪᑯᓗᒃ ᓴᒡᒋᐊᖅ ᑭᒡᒐᖅᑐᐃᒍᑕᐅᓕᓚᐅᕐᒪᑦ ᑕᑯᒃᓴᐅᓂᖓ ᑭᖑᕚᕆᓄᑦ ᐃᓄᐃᑦ ᓴᓇᙳᐊᖅᑎᓄᑦ ᑕᐃᒃᑯᐊᓗ ᖁᕕᐊᓱᒍᑎᖃᓚᐅᖅᑐᑎᒃ ᐱᖅᑯᓯᒃᑯᑦ ᑐᑭᓯᓇᕈᑎᓂᒃ ᐃᓚᒋᔭᐅᓪᓗᓂ ᐃᓂᖅᓯᒪᑦᑎᐊᕐᓗᓂ ᐃᒻᒥᓂᖅᓱᖅᑐᖅ ᐊᒻᒪᓗ ᐱᔭᕆᐋᑐᔪᐋᓗᓐᓂᒃ ᓴᓇᙳᐊᖅᐸᓪᓗᓂ ᓴᓇᖃᑦᑕᓱᖑᒻᒪᑦ. ᖃᐅᔨᒪᔭᐅᒻᒪᑦ ᐊᔾᔨᐅᖏᑦᑐᓂᒃ ᓴᓇᙳᐊᓱᖑᓂᖓᓄᑦ ᑎᒻᒥᐊᖑᐊᓂᒃ ᐊᒻᒪᓗ ᐃᓱᒪᓪᓗᐊᓱᖑᓂᖓᓄᑦ ᑲᑎᑕᐅᓯᒪᓂᖏᓐᓂ, ᑕᒪᓐᓇᓗ ᐃᒫᖑᒐᔪᒃᑎᑦᑎᓪᓗᓂ ᓴᓇᔭᒃᓴᖁᑎᖏᓲᖏᑦ ᑕᑯᒃᓴᐅᑎᑦᑎᕕᒻᒦᑎᑕᐅᕙᓪᓗᑎᒃ ᓴᓇᑐᔪᐋᓗᓂᖓᓄᑦ ᓴᓇᙳᐊᖅᐸᒃᑕᖏᓐᓂ.
ᐅᖃᐅᑎᖃᒃᑐᖅ (about)
1971-ᒥ, ᐊᖏᔪᒻᒪᕇᑦ ᔨᐅᕆ ᑐᕘᒥ ᓄᐊᓯᒪᔭᖏᑦ 4,000 ᐃᓄᐃᑦ ᓴᓇᖑᐊᒐᖏᑦ ᓂᐅᕕᖅᑕᐅᓚᐅᖅᑐᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒧᑦ. ᑐᕘᒥ ᐊᐅᖏᑎᒎᖅᑐᓂ ᓘᑦᑖᖑᓚᐅᖅᑐᖅ ᐊᒻᒪ ᓇᒥᓯᖃᑕᐅᓯᒪᔪᖅ ᕗᐃᓂᒐᐃᒡ T&T Seeds. ᐱᒋᐊᖅᑐᓂ 1952 ᐊᒻᒪ 1950-ᖏᓐᓂ ᐊᒻᒪ 1960-ᖏᓐᓂ, ᓄᐊᑦᑎᓚᐅᖅᑐᖅ ᓴᓇᔭᐅᓯᒪᔪᑦ ᓴᓇᖑᐊᒐᓕᐅᖅᑐᓕᒫᓂᑦ ᐃᓄᐃᑦ ᓄᓇᖏᓐᓂ. ᐱᐅᒋᔭᖃᒻᒪᕆᓚᐅᖅᑐᖅ ᑐᓂᐅᖅᑲᖅᑕᐅᓂᖏᓐᓄᑦ ᓴᓇᖑᐊᕈᓐᓇᑎᐊᖅᑐᓂᑦ ᐃᓚᒌᓐᓂᑦ ᐊᒻᒪ ᑭᖑᕚᕇᖃᑦᑕᐅᑎᔪᓂᑦ ᐊᒻᒪ ᓄᐊᑦᑎᓚᐅᖅᑐᖅ ᐃᒻᒥᑰᖅᑐᓂᑦ ᓴᓇᖑᐊᖅᑎᓂᑦ.
1969-ᒥ, ᑐᕘᒥ ᓄᖅᑲᕕᓚᐅᖅᑐᖅ ᐱᕈᕈᓐᓇᖅᑐᓂᑦ ᐱᓕᕆᓂᕐᒥᑦ ᐊᒻᒪ ᓅᑦᑐᓂ ᑲᓕᐴᓐᔨᐊᒧᑦ ᐱᕈᖅᓯᐊᓕᐅᖃᑦᑕᖅᑐᓂ. ᐃᓕᔭᐅᓂᖏᑦ ᓄᐊᓯᒪᔭᖏᑦ ᐋᔩᖃᑎᒌᔾᔪᑕᐅᒻᒪᕆᓚᐅᖅᑐᑦ ᐊᒥᓱᒐᒪᓐᓄᑦ ᑕᑯᔭᒐᖃᕐᕕᓐᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ. ᔪᐊᔾ ᓱᕕᓐᑕᓐ ᐊᔭᐅᕆᐊᓚᐅᖅᑕᖓ ᐳᕇᒥᐅᖑᓚᐅᖅᑐᖅ ᐃᐊᑦᕗᑦ ᓱᕋᐃᔪ ᓄᐊᑕᐅᓯᒪᔪᓂᑦ ᐱᒻᒪᕆᐅᓂᖓᓄᑦ ᐊᒻᒪ ᐋᒡᒌᓯ 1971 ᓱᕋᐃᔪ ᐊᑎᓕᐅᑦᑕᐅᑎᒋᓚᐅᖅᑕᖓ ᑲᑎᒪᔨᓄᑦ ᑮᓇᐅᓂ ᐱᕈᖅᑎᑦᑎᓗᓂ $185,000, ᐅᕝᕙᓘᓐᓃᑦ ᒪᕐᕉᒃ−ᐱᖓᓱᓂᑦ ᑮᓇᐅᔭᐃᑦ ᐱᑕᖃᕆᐊᖃᖅᑎᑕᐅᔪᑦ ᓂᐅᕕᕐᓗᒋᑦ ᓄᐊᑕᐅᓯᒪᔪᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒧᑦ. ᔫᓂ 1972-ᒥ, ᔭᐃᒻᔅ ᕆᑦᓱᑦᓐ, ᑕᐃᔅᓱᒪᓂ ᒐᕙᒪᑐᖃᒃᑯᓐᓄᑦ ᒥᓂᔅᑕ ᓱᓇᒃᑯᑖᖃᖅᑎᑦᑎᓂᕐᒧᑦ ᐊᒻᒪ ᐱᔨᑦᑎᖅᑕᓄᑦ, ᑐᓂᓯᓚᐅᖅᑐᖅ ᓯᒃᑭᒥᑦ ᐊᒥᐊᒃᑯᖓᓂ $75,000 ᑯᕕᐊᓱᒍᑎᖃᖅᑎᓪᓗᒋᑦ ᑕᑯᔭᒐᖃᕐᕕᒻᒥ. ᖁᕕᐊᓱᒍᑎᒋᓗᒋ ᑕᒪᒃᑭ ᒪᑐᐃᖅᑕᐅᓂᖓ ᓄᑖᖅ ᑕᑯᔭᒐᖃᕐᕕᒃ ᐃᓪᓗᖅ ᒥᐊᒨᕆᐅ ᐳᓕᕗᐊᑦ ᐊᒻᒪ ᓂᐅᕕᖅᑕᐅᓂᖏᑦ ᑐᕘᒥ ᓄᐊᓯᒪᔭᖏᑦ, ᒥᑭᔪᒥᑦ ᑕᑯᕋᓐᓈᖅᑕᐅᓂᐊᖅᑐᓂᑦ ᐋᖅᑭᑦᑕᐅᓚᐅᖅᑐᖅ 1972-ᒥ. 2003-ᒥ, ᐊᑕᖐᓂᖃᖅᑐᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒃ ᑕᑯᔅᓴᐅᑎᑦᑎᓂᖓ ᐊᒻᒪ ᑎᑎᕋᖅᑕᐅᓂᖏᑦ ᓴᖅᑭᑎᑦᑎᓚᐅᖅᑐᑦ ᐊᔾᔨᒌᓐᖑᐊᖅᑎᒐᔅᓴᐅᖏᑦᑐᑦ ᐱᕙᓪᓕᐊᑎᑕᐅᓂᖏᑦ ᐃᓄᐃᑦ ᓴᓇᐅᒐᖏᑦ 1950-ᖏᓐᓂ ᐊᒻᒪ 1960-ᖏᓐᓂ ᐱᑕᖃᖅᑎᑕᐅᔪᑦ ᑐᕘᒥ ᓄᐊᓯᒪᔭᖏᓐᓂ.
