Kinngait (Cape Dorset)
(1919–2000)
(1919–2000)
ᓛᑦᓱᓛᓯ ᐊᑭᓱᒃ, ᐃᕐᓂᒋᔭᐅᔪᖅ ᖃᐅᔨᒪᔭᐅᑦᑎᐊᖅᑐᖅ ᓴᓇᙳᐊᖅᑎ ᑐᓪᓕᒃ, ᐃᓅᓚᐅᖅᑐᖅ ᐊᓇᖅᑕᓕᒃ ᕿᑭᖅᑕᖓᓂ, ᒫᒃᕼᐋᒻ ᐃᒪᖓ ᖃᓂᐊᓂ. ᐊᑭᓱᒃ ᓴᓇᙳᐊᖅᐸᓪᓕᐊᓚᐅᖅᑐᖅ ᐅᔭᕋᕐᓂᒃ, ᓴᓇᙳᐊᒐᐃᑦ ᑎᒻᒥᐊᑦ ᐊᒻᒪᓗ ᐆᒪᔪᑦ. ᓴᓇᙳᐊᖅᑕᖏᑦ ᐃᓱᒪᒋᔭᐅᓕᓚᐅᖅᑐᑦ ᐃᕐᖑᑕᖓ, ᓴᐃᒪᐃᔪ ᐊᑭᓱᒃ, ᑎᑎᖅᑐᒐᖏᑦ ᐃᓕᑕᕆᔭᐅᓯᒪᔪᑦ ᓯᓚᕐᔪᐊᒥ ᑭᓇᐅᓂᖓᓄᑦ. ᐊᑭᓱᒃ ᓴᓇᙳᐊᖅᓯᒪᔪᖅ ᑭᙵᐃᑦ, ᓄᓇᕗᒻᒥ, ᖃᐅᔨᒪᔨᒻᒪᕆᐅᓪᓗᓂ ᐃᖅᑲᓇᐃᔮᕈᒪᔭᒥᓄᑦ. ᐱᒋᐊᖅᑐᒍ ᐊᕕᒃᓯᒪᔪᓂᒃ ᓴᓇᓯᒪᔪᓂᒃ, ᐊᑭᓲᑉ ᐱᐅᓂᖏᑦ ᖃᓄᐃᓐᓂᕆᔭᖏᓐᓄᑦ ᐱᙳᐊᖅᑐᑎᑐᑦ, ᐊᕿᓐᓂᖏᑦ ᐃᑉᐱᓐᓇᖅᑐᑦ ᓴᙳᖓᓂᖏᑦ ᐊᔾᔨᒌᙱᑦᑐᑦ ᓴᓇᙳᐊᒐᖏᑦ. ᐊᑕᐅᑦᑎᒃᑯᑦ ᓴᓇᙳᐊᖅᑕᖏᑦ ᑲᔪᓯᓯᒪᔪᑦ ᑕᑯᔅᓴᐅᓂᖓᒍᑦ ᐅᖁᒪᐃᓐᓂᖏᑦ, ᑎᑎᖅᑐᒐᖏᑦ ᐃᓱᒪᒋᓗᐊᖅᑕᖏᑦ ᑎᓯᓂᖏᑦ ᐊᒻᒪᓗ ᓴᙱᓂᖏᓐᓄᑦ ᐊᔾᔨᒌᙱᑦᑐᑦ ᓴᓇᙳᐊᒐᐃᑦ ᐅᔭᕋᕐᓂᑦ. ᐊᑭᓱᒃ ᕿᓱᒃᓯᓯᒪᒐᔪᓚᐅᖅᑐᖅ ᒥᑭᔪᓂᒃ ᓴᓇᙳᐊᒐᓂᒃ ᑐᑭᓯᓇᑦᑎᐊᕆᐊᖅᑐᒋᑦ ᖄᖓᒍᑦ ᐃᔨᑎᑐᑦ ᐊᒻᒪᓗ ᒥᖅᑯᐃᑦ, ᑕᑯᑦᑎᐊᕆᐊᖅᑐᒍ ᖃᓂᓪᓗᒍ ᓴᓇᙳᐊᒐᖅ. ᐊᑭᓲᑉ ᐊᑯᓂᐅᔪᖅ ᐃᖅᑲᓇᐃᔮᕐᓂᖓ ᑲᓇᑕᒥ ᐊᒻᒪᓗ ᓯᓚᕐᔪᐊᒥ ᑕᑯᒐᓐᓈᖅᑎᑦᑎᓂᖅ ᓴᓇᙳᐊᒐᖏᓐᓂᒃ, ᐱᓯᒪᔭᐅᔪᑦ ᑲᑎᖅᓱᖅᑕᐅᓪᓗᑎᒃ ᓯᓚᕐᔪᐊᒥ, ᐃᓚᒋᓗᒍ ᑲᓇᑕᒥ ᑕᑯᒐᓐᓈᒐᖃᕐᕕᒃ ᐋᑐᕙ, ᐋᓐᑎᐅᕆᔫᒥ, ᑕᑯᒐᓐᓈᒐᖃᕐᕕᒃ ᐃᑦᑕᕐᓂᑕᐃᑦ ᒐᑎᓅ, ᑯᐱᒃ, ᐊᒻᒪᓗ ᐃᑦᒥᓐᑕᓐ ᓴᓇᙳᐊᒐᓄᑦ ᑕᑯᒐᓈᒐᖃᕐᕕᒃ ᐃᐊᐴᑕᒥ.
ᐅᖃᐅᑎᖃᒃᑐᖅ (about)
ᓛᓴᓘᓯ ᐊᑭᓱᒃ ᑭᖓᕐᒥᐅᑕᖅ, ᓴᓇᐅᑐᔪᐊᓗᖕᓂ ᓄᓇᓕᖕᓂ. ᐊᑖᑕᖓ ᑎᑎᖅᑐᒐᖅᑎᐅᖃᑕᐅᕙᓚᐅᖅᑐᖅ ᐱᒋᐊᖅᑎᑕᐅᓚᐅᖅᑐᓂᒃ 1950−ᖏᓐᓂ. ᑎᑎᖅᑐᒐᖃᑕᓕᓵᕋᒥ ᓯᕗᓪᓕᕐᒥ ᐱᒋᐊᓕᓵᕐᓂᖓᓐᓂ ᐃᓚᖃᓗᐊᖅᐸᓚᐅᖏᑦᑐᑦ ᓴᓇᔭᐅᓯᒪᓗᐊᖅᐸᓚᐅᖏᓐᓇᒥ. ᓴᓇᓐᖑᐊᒐᐃᓪᓗ ᑭᖓᕐᓂᒃ ᓴᓇᓯᒪᔪᒻᒪᕆᐊᓘᕙᓚᐅᖅᐳᑦ ᑕᑯᔭᒃᓴᖃᑦᑎᐊᖅᑐᐊᓘᓪᓗᑎᒃ. ᓚᓴᓘᓯᐅᑉ ᐊᑖᑕᖓᑕ ᓴᓇᑐᓂᖓᓂᒃ ᒪᓕᒃᓱᓂ ᓴᓇᖑᐊᖅᐸᓚᐅᖅᑐᖅ ᐃᓗᓕᖃᖏᓐᓂᖅᓴᐅᕙᓕᓚᐅᖅᑐᓂᒃ, ᐊᓯᖏᓐᓂᒃ ᓴᓇᔭᐅᕙᓚᐅᖅᑐᓂᒃ ᑭᖓᕐᒥᐅᓂ.
ᐅᖃᐅᑎᖃᒃᑐᖅ (about)
ᔪᐊᔾ ᓱᕕᓐᑕᓐ ᓅᓚᐅᖅᓯᒪᔪᖅ ᕗᐃᓂᐸᐃᒡᒧᑦ 1954 ᐃᓕᓐᓂᐊᑎᑦᑎᔨᐅᖃᑕᐅᓪᓗᓂ ᐃᓕᓐᓂᐊᕐᕕᒃ ᓴᓇᔭᐅᓯᒪᔪᓂᑦ ᓯᓚᑦᑐᖅᓴᕐᕕᒃᔪᐊᒥᑦ ᒫᓂᑑᐸ. ᑲᓇᑕᒨᓚᐅᖅᓯᒪᔪᖅ ᕕᐊᓇᒥ 1937-ᒥᑦ; ᐃᓕᓐᓂᐊᓚᐅᖅᑐᖅ ᓴᓇᔭᐅᓯᒪᔪᓂᑦ ᐃᓕᓐᓂᐊᖅᑏᑦ ᑎᒥᖓᑦ ᓂᐅ ᔪᐊᒃᒥ; ᓴᓇᖑᐊᖅᑎᐅᓚᐅᖅᑐᖅ ᑯᐃᓐ ᓯᓚᑦᑐᖅᓴᕐᕕᒃᔪᐊᖓ ᑭᖕᔅᑕᓐᒥ, ᐋᓐᑎᐅᕆᔪ; ᐊᒻᒪ ᑲᒪᔨᐅᓚᐅᖅᑐᖅ ᑲᓇᑕᒥ ᑕᑯᔭᒐᖃᕐᕕᒃ ᑲᓇᑕ ᐊᒻᒪ ᓴᔅᓯᖃᑑᓐ ᓴᓇᔭᐅᓯᒪᔪᓂᑦ ᐱᓕᕆᑯᒃ. ᓯᕗᓪᓕᖅᐹᒥᑦ ᓂᐅᕕᓚᐅᖅᓯᒪᔭᖓ ᐃᓄᐃᑦ ᓴᓇᖑᐊᒐᖅ ᒫᓐᑐᕆᐊᒥ 1950-ᒥ, ᐊᒻᒪ ᑕᒪᑐᒥᖓ ᐱᔪᒪᓂᕆᔭᖓ ᐃᑲᔪᖃᑦᑕᓕᓚᐅᖅᑐᖅ ᓂᐅᕕᕐᕕᒃᑯᓐᓂᑦ ᖃᐅᔨᓴᖅᑐᓂ ᓴᓇᖑᐊᒐᕐᓂᑦ ᑎᑭᓯᒪᓕᕋᐃᒻᒪᑕ ᕗᐃᓂᐸᐃᒡᒧᑦ ᐴᖅᑕᐅᓯᒪᔪᓂᑦ ᓂᐅᕕᕐᕕᒃᑯᑦ ᐅᑭᐅᑕᖅᑐᒥ ᓂᐅᕕᕐᕕᖏᓐᓂ. ᐱᔪᒪᓂᖃᕐᓂᖓ ᐃᓄᐃᑦ ᓴᓇᐅᒐᖏᓐᓂ ᐊᔭᐅᖅᑕᐅᒋᐊᓚᐅᖅᑐᖅ ᓯᕗᓪᓕᖅᐹᒥ ᐅᑭᐅᑕᖅᑐᒨᖅᑐᓂ, ᐃᓄᒃᔪᐊᖅ, 1957-ᒥᑦ. ᑎᑎᕋᒪᐅᖅᑐᖅ ᒪᕐᕉᓐᓂᒃ ᐅᖃᓕᒫᒐᕐᓂᑦ ᖃᐅᔨᒪᔭᐅᓕᓚᐅᖅᑐᑦ ᐃᓕᓐᓂᐊᖅᑎᓕᒫᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ ᐃᓄᐃᑦ ᓴᓇᐅᒐᖏᓐᓂ: ᐃᓄᓐᓄᑦ ᓴᓇᔭᐅᓯᒪᔪᑦ/Eskimo Sculpture/Sculptureesquimaude) (1965) ᐊᒻᒪ ᓴᓇᔭᐅᓯᒪᔪᑦ ᐃᓄᓐᓄᑦ/Sculpture of the Eskimo (1972).
1960-ᖏᓐᓂ ᑕᑯᔭᒐᖃᕐᕕᒃ ᐱᒻᒪᕆᐅᔪᒥᑦ ᑲᔪᖏᖅᓯᓚᐅᖅᑐᑦ ᓄᐊᑦᑎᓗᑎ ᐃᓄᐃᑦ ᓴᓇᐅᒐᖏᓐᓂ ᓂᐅᕕᕐᖓᑕ 139 ᐱᒻᒪᕆᐅᔪᓂ ᓴᓇᔭᐅᓯᒪᔪᑦ ᓱᕕᓐᑕᓐᒥᑦ. 1976-ᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᓂᐅᕕᕐᖓᑕ ᐱᖃᑖ ᓄᐊᑕᐅᓯᒪᔪᓂᑦ ᔪᐊᔾ ᓱᕕᓐᑕᓐᒥᑦ ᐅᖓᑖᓃᑦᑐᑦ 900 ᓴᓇᔭᐅᓯᒪᔪᑦ, ᐊᒥᐊᖅᑕᐅᓯᒪᔪᑦ, ᐊᒻᒪ ᑎᑎᖅᑐᒐᐃᑦ. ᑕᑯᔅᓴᐅᑎᑕᐅᑎᓂᖏᑦ ᓱᕕᓐᑕᓐ ᓄᐊᓯᒪᔭᖏᑦ ᐊᒥᓱᒐᒪᓐᓄᑦ ᐊᕐᕌᒍᓅᓚᐅᖅᑐᖅ, 1987-ᒥ, ᐱᖃᓯᐅᑎᓯᒪᓪᓗᑎ ᐅᑯᓂᖓ ᑎᑎᕋᖅᑕᐅᓯᒪᔪᑦ. 1989-ᒥ, ᓄᐊᑕᐅᓯᒪᒃᑲᓂᖅᑐᑦ 85 ᓴᓇᐅᒐᐃᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ.
