Parr, Nuna

(b. 1949)

ᓅᓇ ᐹ ᖃᓄᕆᑦᑐᑐᐃᓐᓇᓂᒃ ᓴᓇᖑᐊᖅᑎ ᑭᓐᖓᓂ, ᓄᓇᕗᑦ. ᐊᑖᑕᖓ ᐊᒻᒪᓗ ᐊᓈᓇᖓ ᓴᓇᑐᔪᒻᒪᕆᐋᓘᓚᐅᖅᑐᑦ ᐱᓕᕆᖃᑦᑕᖅᓯᒪᕗᑦ ᑭᓐᖓᐃᑦ ᑯᐊᐸᒃᑯᓂ ᑕᐃᑲᓂᓗ ᐃᓚᒋᔭᐅᖏᓐᓇᖅᑐᑦ ᑎᑎᖅᑐᒐᖅᓯᒪᔪᑦ ᐊᒻᒪᓗ ᑎᑎᕋᐅᔭᖅᓯᒪᔪᑦ ᓄᐊᑕᐅᓯᒪᕗᑦ. ᐹ ᓴᓇᖑᐊᖃᑦᑕᓕᓚᐅᖅᓯᒪᔪᖅ ᒪᒃᑯᒃᑑᓪᓗᓂ ᑮᓇᐅᔭᖅᑖᕐᓂᐊᕋᒥ ᐊᒻᒪᓗ ᐊᔾᔨᒌᐸᓗᐃᑦ ᐃᒻᒥᒍᑦ ᓂᕐᔪᑎᑦ, ᐅᒃᑯᓯᒃᓴᓕᒃ ᐃᓱᒪᒋᑦᑎᐊᖅᖢᒍ ᓴᓇᖑᐊᒐᒃᓴᖅ. ᓴᓇᖑᐊᖃᑦᑕᓕᓚᐅᖅᑐᖅ ᒥᑭᓂᖅᓴᓂᒃ ᓱᓕ ᐃᓕᓐᓂᐊᖅᖢᓂ, ᑭᓯᐊᓂ ᐃᓐᓇᕈᒃᑲᓐᓂᕋᒥ ᓴᓇᖑᐊᖃᑦᑕᓕᓚᐅᖅᑐᖅ ᐊᖏᔫᑎᓂᒃ. ᐹ ᓴᓇᔭᖏᑦ ᓴᕿᑦᑎᓪᖢᒋᑦ ᓂᕐᔪᑎᑦ ᐱᐅᓯᑦᑎᐊᖅᖢᒋᑦ ᐊᒻᒪᓗ ᐃᓄᖑᐊᑎᑐᑦ ᓇᐸᑎᓪᓗᒋᑦ, ᓅᐸᓪᓕᐊᑎᐊᓲᖅ ᐅᐃᔮᖅᑎᓪᓗᒍ, ᐋᕿᒃᓯᒪᑦᑎᐊᖅᑐᖅ ᓄᒃᑖᓂᖃᓐᖏᑦᓯᐊᖅᑐᑦ ᓄᓇᓕᖕᓂ ᐅᒃᑯᓯᒃᓴᓕᒃ ᐊᑐᖅᐸᒃᑕᖏᑦ. ᐹ ᐊᓯᕙᖅᑎᐅᓚᐅᖅᑐᖅ ᓄᓇᑐᐃᓐᓇᒥ, ᐊᒻᒪᓗ ᕿᒥᕐᕈᑦᑎᐊᓲᖅ ᐅᑭᐅᖅᑕᖅᑐᖅ ᓂᕐᔪᑎᖏᓐᓂᒃ ᓴᓇᑦᑎᐊᖅᖢᒋᑦ ᐃᒻᒥᒍᑦ ᓴᓇᖑᐊᖅᖢᒋᒃ ᑕᐃᒪᐃᑦᑐᓪᓚᕆᐅᔮᓕᖅᖢᒋᑦ ᐃᓱᒪᒋᑦᑎᐊᖅᖢᒋᑦ ᓂᕐᔪᑎᖑᐊᑦ. ᖃᐅᔨᒪᔭᐅᑦᑎᐊᖅᑐᖅ ᓇᓄᖑᐊᓕᐊᖏᑦ ᐹ ᐅᖃᖅᓯᒪᔪᖅ ᓴᓇᓪᓗᓂ ᐱᔪᒪᔪᑦ ᐃᓱᒪᒋᓪᓗᓂᒋᑦ ᓴᓇᓲᖅ, ᐊᒻᒪᓗ ᓂᕆᐊᕆᕙᒃᑕᖏᑦ ᐅᒃᑯᓯᒃᓴᓕᒃ ᓴᓇᖑᐊᕈᒥᓇᓐᖑᑦᑐᑦ ᒪᓂᕋᐅᓐᖏᑦᑐᑦ ᑕᐃᒪᓗ ᐋᕿᑦᑎᐊᕈᑎᓂᐊᕐᒪᑕ ᓴᓇᖑᐊᕈᒪᔭᒥᓂᒃ. Playful Walrus (ᐱᓐᖑᐊᖅᑐᖅ ᐊᐃᕕᖑᐊᖅ) (1983) ᐹ ᑕᑯᑎᑦᑎᔪᖅ ᐱᓐᖑᐊᖅᑐᓂ ᐊᐃᕕᖑᐊᖑᓪᓗᒍ. ᕿᕐᓇᔪᒃᑐᖅ ᐆᔭᐅᔭᖅ ᐅᒃᑯᓯᒃᓴᓕᒃ ᑕᖅᓴᖃᓗᐊᕋᓂ ᐊᒻᒪᓗ ᑐᑭᓕᐊᑯᑖᒃᑐᓂᒃ ᑕᖅᓴᖃᓚᐅᖅᐸᒃᖢᓂ ᑖᒃᑯᐊ ᑰᖑᐊᓕᐊᕆᕙᒃᑕᖏᑦ ᑭᓱᖑᐊᓕᐊᒥᓂᑦ, ᐊᒻᒪᓗ ᐊᔾᔨᓕᐅᖅᖢᒍ ᑲᐅᖓ ᐊᐃᕕᐅᑉ. ᐃᓕᖁᓯᖑᐊᓕᒃ ᐊᒻᒪᓗ ᐱᓐᖑᐊᖅᖢᑎᒃ ᓴᓇᔭᖏᑦ ᐊᐃᕕᖑᐊᑦ ᖃᓄᐃᓕᖓᓂᖓᒍᑦ ᐅᔭᕋᖅ, ᐃᓱᒪᒋᑦᑎᐊᖅᖢᒍ ᒪᓂᕋᐅᓂᓐᖏᓂᖓ ᑖᔅᓱᒪᖓᑦ ᑭᐊᖕᓂᖓᓂᑦ. ᑖᒃᑯᐊ ᓴᖅᐱᖏᑦ ᖁᓛᓃᓪᓗᑎᒃ ᑎᒥᖓᑕ ᐅᒃᑯᓯᒃᓴᓕᖕᒧᑦ, ᕿᒥᕐᕈᐊᑦᑎᐊᖑᓱᖕᓇᖅᑐᖅ ᐅᑯᒪᐃᑦᑑᓪᓗᓂ ᑎᒥᖓ, ᐱᖃᑖᓗ ᓴᖅᐱᐊᑕ ᓲᕐᓗ ᒪᓕᒃᑐᖅ ᐱᖃᑖᓂᒃ ᐱᓐᖑᐊᕋᒥ. ᑎᒥᖓ ᓂᕐᕋᓚᖓᓪᓗᓂ, ᐃᓱᒪᓕᐅᑎᑦᑎᐊᖑᓪᓗᓂ ᐃᓅᑉ ᓲᕐᓗ ᐅᕕᓂᖓᓂ ᐅᕕᓂᖃᖅᑐᖅ ᓂᕐᔪᑎ, ᓴᓇᖑᐊᖅᓯᒪᓂᖓ ᕿᓕᖅᓴᖅᓯᒪᑦᑎᐊᖅᑐᖅ ᑕᑯᓗ ᕿᓕᑦᑎᐊᖅᐳᖅ. ᑕᒪᕐᒥᐸᓗᒃ ᓇᓗᓇᕈᓐᓃᑦᑎᐊᖅᓯᒪᓪᓗᒋᑦ ᓂᐊᖁᐊ ᑎᑎᖅᓯᒪᔪᑦ ᐊᒻᒪᓗ ᑕᖅᓴᖓ ᐅᒃᑯᓯᒃᓴᓕᒃ ᓴᓇᖑᐊᒐᒃᓴᖅ, ᑖᓐᓇ ᐹ ᐱᑦᑎᐊᓕᓪᓗᒍ ᓴᓇᖑᐊᖅᖢᒋᒃ ᐃᔨᖏᑦ ᐃᔨᓚᑖᖑᖂᔨᓪᓗᑎᒃ, ᑖᓐᓇ ᓴᓇᔭᖓ ᐆᒪᖂᔨᓕᖅᖢᓂ. ᖃᓂᖓ ᖃᓄᐃᓕᓗᐊᕐᓇᒍ, ᓇᒡᔪᖏᑦ ᐃᓗᐊᓄᑦ ᐋᕿᒃᓯᒪᓪᓗᒍ ᑑᒑᓕᒃ, ᒪᕐᕉᒃ ᓴᑎᑦᑎᐊᖅᖢᒋᑦ ᖃᑯᕐᓂᖓ ᑖᓱᒪ ᕿᓂᖅᑕᐅᑉ ᐅᔭᕋᐅᑉ. ᐹ ᐊᑯᓂᐅᔪᒥᒃ ᐊᒻᒪᓗ ᖃᐅᔨᒪᔭᐅᑦᑎᐊᖅᐳᖅ ᑮᓇᐅᔭᓕᐅᕈᑎᒋᕙᒃᖢᒍ, ᓴᕿᔮᖅᑎᑦᑎᓪᓗᑎᒃ ᑲᓇᑕᒥ ᐊᒻᒪᓗ ᐊᑭᐊᓂ. ᓴᓇᔭᖏᑦ ᐱᒋᔭᐅᔪᑦ ᐊᒥᓱᓂᒃ ᑭᒃᑯᑐᐃᓐᓇᐃᑦ ᐊᒻᒪᓗ ᓇᖕᒥᓂᖃᖅᑎᓂᑦ ᓄᐊᑕᐅᓯᒪᓪᓗᑎᒃ, ᐃᓚᒋᔭᐅᕗᖅ ᑲᓇᑕᒥ ᑕᑯᔭᒐᖃᕐᕕᒃ ᐋᑐᕚᒥ.

ᓴᓇᙳᐊᖅᑎᑦ ᑭᓇᐅᓂᖏᓐᓄᑦ ᑎᑎᕋᖅᓯᒪᔪᑦ ᑐᓂᔭᐅᓯᒪᔪᑦ ᐊᖏᖅᑕᐅᓯᒪᓪᓗᑎᒃ ᐃᓄᐃᑦ ᓴᓇᙳᐊᖅᑎᓕᕆᔨᒃᑯᑦ ᑐᙵᕝᕕᒃ. ᑕᒪᕐᒥᒃ ᐱᔪᓐᓇᐅᑎᑦ ᒪᓕᒐᖅᑎᒍᑦ.

Parr, Nuna

ᕿᓚᓗᒐᖅ

1960–1965

ᐅᔭᕋᒃ

5.9 x 18.8 x 9.7 cm

Collection of the Winnipeg Art Gallery, Twomey Collection, with appreciation to the Province of Manitoba and Government of Canada

1068.71