ᓂᐊᖁᖓ ᑐᑦᑑᑉ head of caribou
ᐃᓄᐃᑦ ᐅᓂᒃᑳᖅᑐᐊᖓ, ᑐᑦᑐ ᑐᑦᑐᕈᓚᐅᕐᒪᑦ ᓄᓇᒦᖓᕐᓗᓂ. ᑕᐃᔅᓱᒪᓂᐋᓗᒃ ᐅᐊᑦᑎᐊᕈᐋᓗᒃ, ᐊᓂᕐᓂᖅ ᓄᓕᐊᓂᓚᐅᕐᒪᑦ ᐃᓅᖃᑎᒋᔭᐅᔪᒥᒃ ᐊᕐᓇᒥᒃ. ᐊᓂᕐᓂᖅ ᓂᕆᔭᕆᐊᑐᓚᐅᖏᒻᒪᑦ ᐊᒻᒪᓗ ᐊᖑᓇᓱᐋᕈᓐᓇᕋᓂ. ᓂᕿᒃᓱᓂᒐᓱᐊᕐᓗᓂᐅᒃ ᓄᓕᐋᓂ, ᐊᐅᓪᓚᓚᐅᕐᒪᑦ ᓄᓇᓕᒻᒥᒃ ᐊᒻᒪᓗ ᓴᓇᓪᓗᓂ ᐊᒻᒪᔪᒻᒥᒃ ᓄᓇᒥ ᑕᕝᕙᖓᓪᓗᓂ ᑐᑦᑐ ᒥᖏᖅᐳᖅ ᓯᓚᒻᒧᑦ. ᑐᖁᓪᓗᓂᐅᓪᓗ ᑐᑦᑐ ᐊᒻᒪᓗ ᐊᖏᕐᕋᒥᓅᕈᑎᓪᓗᓂᐅᒃ ᓄᓕᐊᕐᒥᓅᕈᑎᓪᓗᓂᐅᒃ. ᑭᖑᓪᓕᕐᒥᒃ ᐊᓂᕐᓂᖅ ᓂᕿᒃᓴᖅᓯᐅᕆᐊᕈᔾᔨᓪᓗᓂ ᓄᓕᐊᕐᒥᓂᒃ, ᐊᓯᐊᓄᑦ ᓄᓇᓕᖃᕕᒻᒥᐅᑕᕐᒧᑦ ᒪᓕᒃᑕᐅᓐᓂᕐᒪᑦ. ᐊᖑᑎ ᐃᔨᖅᑐᒥᓂᐅᓪᓗᓂ ᐊᒻᒪᓗ ᑕᐅᑐᓪᓗᓂᒋᑦ ᐊᓂᕐᓂᒃᑯᑦ ᒪᑐᐃᖅᑎᓪᓗᓂᐅᒃ ᐊᒻᒪᔪᖅ, ᑐᑦᑐᑦᑐᓂᓗ, ᐊᒻᒪᓗ ᒪᑐᒋᓪᓗᓂᐅᒃ ᐊᒻᒪᔪᖅ. ᑭᖑᓂᖓᒍᑦ ᐊᓂᕐᓂᖅ ᕿᒪᕉᑎᓚᐅᖅᑎᓪᓗᒍ, ᐊᖑᑎᐅᑉ ᒪᑐᐃᒃᑲᓐᓂᓚᐅᕐᒪᒍ ᐊᒻᒪᔪᖅ, ᑭᓯᐊᓂ ᒪᑐᑲᐅᒃᑐᖏᓗᐋᕐᒪᒐ ᓱᑲᑦᑐᒥᒃ ᐊᒻᒪᓗ ᑕᒪᕐᒥᒃ ᑐᑦᑐᐃᑦ ᐊᓂᐋᓪᓗᑎᒃ ᓄᓇᒥᑦ, ᐃᓱᒪᖅᓱᓕᕐᓗᑎᒃ ᓇᒧᖓᕈᒪᒍᑎᒃ ᓄᓇᕐᔪᐋᕐᒥ.

ᔪᐊᔾ ᓱᕕᓐᑕᓐ ᓅᓚᐅᖅᓯᒪᔪᖅ ᕗᐃᓂᐸᐃᒡᒧᑦ 1954 ᐃᓕᓐᓂᐊᑎᑦᑎᔨᐅᖃᑕᐅᓪᓗᓂ ᐃᓕᓐᓂᐊᕐᕕᒃ ᓴᓇᔭᐅᓯᒪᔪᓂᑦ ᓯᓚᑦᑐᖅᓴᕐᕕᒃᔪᐊᒥᑦ ᒫᓂᑑᐸ. ᑲᓇᑕᒨᓚᐅᖅᓯᒪᔪᖅ ᕕᐊᓇᒥ 1937-ᒥᑦ; ᐃᓕᓐᓂᐊᓚᐅᖅᑐᖅ ᓴᓇᔭᐅᓯᒪᔪᓂᑦ ᐃᓕᓐᓂᐊᖅᑏᑦ ᑎᒥᖓᑦ ᓂᐅ ᔪᐊᒃᒥ; ᓴᓇᖑᐊᖅᑎᐅᓚᐅᖅᑐᖅ ᑯᐃᓐ ᓯᓚᑦᑐᖅᓴᕐᕕᒃᔪᐊᖓ ᑭᖕᔅᑕᓐᒥ, ᐋᓐᑎᐅᕆᔪ; ᐊᒻᒪ ᑲᒪᔨᐅᓚᐅᖅᑐᖅ ᑲᓇᑕᒥ ᑕᑯᔭᒐᖃᕐᕕᒃ ᑲᓇᑕ ᐊᒻᒪ ᓴᔅᓯᖃᑑᓐ ᓴᓇᔭᐅᓯᒪᔪᓂᑦ ᐱᓕᕆᑯᒃ. ᓯᕗᓪᓕᖅᐹᒥᑦ ᓂᐅᕕᓚᐅᖅᓯᒪᔭᖓ ᐃᓄᐃᑦ ᓴᓇᖑᐊᒐᖅ ᒫᓐᑐᕆᐊᒥ 1950-ᒥ, ᐊᒻᒪ ᑕᒪᑐᒥᖓ ᐱᔪᒪᓂᕆᔭᖓ ᐃᑲᔪᖃᑦᑕᓕᓚᐅᖅᑐᖅ ᓂᐅᕕᕐᕕᒃᑯᓐᓂᑦ ᖃᐅᔨᓴᖅᑐᓂ ᓴᓇᖑᐊᒐᕐᓂᑦ ᑎᑭᓯᒪᓕᕋᐃᒻᒪᑕ ᕗᐃᓂᐸᐃᒡᒧᑦ ᐴᖅᑕᐅᓯᒪᔪᓂᑦ ᓂᐅᕕᕐᕕᒃᑯᑦ ᐅᑭᐅᑕᖅᑐᒥ ᓂᐅᕕᕐᕕᖏᓐᓂ. ᐱᔪᒪᓂᖃᕐᓂᖓ ᐃᓄᐃᑦ ᓴᓇᐅᒐᖏᓐᓂ ᐊᔭᐅᖅᑕᐅᒋᐊᓚᐅᖅᑐᖅ ᓯᕗᓪᓕᖅᐹᒥ ᐅᑭᐅᑕᖅᑐᒨᖅᑐᓂ, ᐃᓄᒃᔪᐊᖅ, 1957-ᒥᑦ. ᑎᑎᕋᒪᐅᖅᑐᖅ ᒪᕐᕉᓐᓂᒃ ᐅᖃᓕᒫᒐᕐᓂᑦ ᖃᐅᔨᒪᔭᐅᓕᓚᐅᖅᑐᑦ ᐃᓕᓐᓂᐊᖅᑎᓕᒫᓄᑦ ᐊᒻᒪ ᓄᐊᑦᑎᖃᑦᑕᖅᑐᓄᑦ ᐃᓄᐃᑦ ᓴᓇᐅᒐᖏᓐᓂ: ᐃᓄᓐᓄᑦ ᓴᓇᔭᐅᓯᒪᔪᑦ/Eskimo Sculpture/Sculptureesquimaude) (1965) ᐊᒻᒪ ᓴᓇᔭᐅᓯᒪᔪᑦ ᐃᓄᓐᓄᑦ/Sculpture of the Eskimo (1972).

1960-ᖏᓐᓂ ᑕᑯᔭᒐᖃᕐᕕᒃ ᐱᒻᒪᕆᐅᔪᒥᑦ ᑲᔪᖏᖅᓯᓚᐅᖅᑐᑦ ᓄᐊᑦᑎᓗᑎ ᐃᓄᐃᑦ ᓴᓇᐅᒐᖏᓐᓂ ᓂᐅᕕᕐᖓᑕ 139 ᐱᒻᒪᕆᐅᔪᓂ ᓴᓇᔭᐅᓯᒪᔪᑦ ᓱᕕᓐᑕᓐᒥᑦ. 1976-ᒥᑦ ᕕᓂᐲᒃ ᓴᓇᙳᐊᒐᐃᑦ ᑕᑯᒐᓐᓈᒐᖃᕐᕕᒻᒥ ᓂᐅᕕᕐᖓᑕ ᐱᖃᑖ ᓄᐊᑕᐅᓯᒪᔪᓂᑦ ᔪᐊᔾ ᓱᕕᓐᑕᓐᒥᑦ ᐅᖓᑖᓃᑦᑐᑦ 900 ᓴᓇᔭᐅᓯᒪᔪᑦ, ᐊᒥᐊᖅᑕᐅᓯᒪᔪᑦ, ᐊᒻᒪ ᑎᑎᖅᑐᒐᐃᑦ. ᑕᑯᔅᓴᐅᑎᑕᐅᑎᓂᖏᑦ ᓱᕕᓐᑕᓐ ᓄᐊᓯᒪᔭᖏᑦ ᐊᒥᓱᒐᒪᓐᓄᑦ ᐊᕐᕌᒍᓅᓚᐅᖅᑐᖅ, 1987-ᒥ, ᐱᖃᓯᐅᑎᓯᒪᓪᓗᑎ ᐅᑯᓂᖓ ᑎᑎᕋᖅᑕᐅᓯᒪᔪᑦ. 1989-ᒥ, ᓄᐊᑕᐅᓯᒪᒃᑲᓂᖅᑐᑦ 85 ᓴᓇᐅᒐᐃᑦ ᑐᓂᔭᐅᑐᐃᓐᓇᓚᐅᖅᑐᑦ ᑕᑯᔭᒐᖃᕐᕕᒻᒧᑦ.